الأخبار القبطية - بالكلمة ننتصر

غيبوبة الرئيس

الدكتور ماهر حبيب - 8 أبريل 2013

نداء إلى الرئيس المصرى خيرت الشاطر نناشدك التدخل وتعطى أوامرك بأن تقوم الداخلية بعدم المساس بالكاتدرائية القبطية بحكم أنها الرمز للكنيسة المصرية برجاء التكرم بإرسال رسالة إلى الرئيس إللى على ما تفرج مرسى بان يظهر فى الصورة وتعطي له كارت بلانش لمدة 24 ساعة للتدخل فى بعض الأمور ما هو حتى لو كان خيال ضل أو مجرد حاجز لكرسى الرئاسة حتى تتأهل للترشح للرئاسة  لازم يعمل حاجة لأن وجود رئيس فى الغيوبة لمدة أربع سنين ده كتير قوى ولو ناوى يقعد كده رجاء أن تعين نفسك نائب رئيس جمهورية وبعدين تجيب له شهادة طبية بإنه لا يستطيع ممارسة مهنته ونتيجه عجزه الطبى تتولى إنت الرئاسة وتشوف لنا حل فى المصايب إللى ساعى البريد إللى حطينه فى الصورة تسبب فيها بسبب غيابه عن المشهد السياسي سواء لعجزه عن إتخاذ القرار أو لأنك ما بعتش له يعمل أيه النهارده.

خلينا أكثر صراحة فيه حد شايف إن مرسى رئيس قادر على إتخاذ قرار بل حتى ينفع إنه يكون صاحب محل كشرى أو فول وطعمية فمش معقول يبقى ده مستوى رئيس جمهورية لا هو هنا ولا بيعمل حاجة وشغال بنظرية إلعبوا سوا فإللى عاوز يقتل يقتل وإللى عاوز يضرب يضرب وإللى عاوز يحرق بيوت الناس يحرقها إللى عاوز يجرجر حد للمحاكم يروح ويوقف المراكب السايرة إللى عاوز يحرق محاكم يحرق وإللى عاوز يبطل شغل ما يشتغلش ما هى دى الحرية المطلوبة من ثوار نكسة يناير إن الإخوان يركبوا ويسيبوا البلد تولع على أساس إنها لما تتحرق للأخر ما يبقاش حد فيه حيل يقول للإخوان تلت التلاتة كام.

طبعا كارثة الخصوص صورة من غياب الدولة والإعتداء على جنازة شهداء الإضطهاد الدينى للأقباط غياب دولة متعمد زيه زى الإعتداء على أهل بورسعيد وقتل المتظاهرين والمشيعين للجنازات ما هو الرئيس غايب عن الوعى وعاطل عن العمل وعامل زى لعيب الكورة لفريق من الدرجة العاشرة بيلاعب فريق البرازيل فى الكاس كل همه إنه يضيع الوقت علشان يلجأوا لضربات الجزاء علشان الشاطر يفوز بالكاس.

أما من تسببوا فى كل الكوارث إللى حلت بمصر بتوع ثورة اللوتس والورد إللى فتح فى الجناين راحوا فين وإشمعنى عملتوا رجالة على الدولة لغاية ما جيبتوها الأرض فين فلاسفة الثورة بتوع ما تنتخبوش شفيق علشان هو شفيق وفين الناس إللى بتضرب نفسها بالجزمة القديمة علشان إنتخبوا دوبلير الشاطر الحاضر الغايب بتاع الصوابع وجراب الحاوى وكل الكلام الفارغ إللى ما ينفعش يقول له سواق توك توك لزباينه.

أن الإعتداء على الكاتدرائية المصرية جريمة دولية تعادل الإعتداء على برجى التجارة والبنتاجون فى 11 سبتمبر وتحتاج على الأقل أن يتدخل الأطباء المعالجين لمرسى وإفاقته من الغيبوبة ويقوموا  بتلصيمه لمدة عشر دقايق يقف فيها قدام التليفزيون ليعلن رفضه لما حدث وإعطاء أوامره لأهله وعشيرته بفك الحصار عن الكاتدرائية فى خلال ساعة وبعدها يتم فرض قوة الدولة بضرب النار لمن يرفض الخضوع لسلطة الدولة وإنهاء الأزمة والخروج الأمن للمسيحيين المحاصرون بالكاتدرائية وتحويل كل القتلة للشهداء المسيحيين لمحاكمة بحق وحقيقي و يتم عقابهم بواقع المواد الموجودة فى القانون مش على طريقة قعدات العرب وده طبعا بعد ما ياخد إذن الشاطر ويستأذن المرشد فى إنه يطبق القصاص المرة دى وبعدها يرجع الأطباء يدخلوه التلاجة ويعيشوه فى الغيوبة لغاية ما مدته تخلص ونبتدى حكم جديد تحت قيادة الشاطر ونائبه أبو إسماعيل ما هى دى أخرة صبرنا رئيس فى الغيوبة.

إرسل الموضوع لأصدقائك على الفيس بوك و تويتر


تصفح أيضاً من أرشيف المقالات

كوتيمى
لا ترفضني .. مبارك شعبي مصر
وأول كنيسة أيضاً بمصر وأفريقيا
مصر التي تعرت
بمدخل سمالوط تمثال لحصان

شاهد أيضاً من أرشيف الفيديو

خطاب الرئيس عبد الفتاح السيسي في المولد النبوي
شابة أيزيدية تشهد على جرائم داعش الجنسية
دير السيدة العذراء مريم بجبل الطير محافظة المنيا
خطاب كيري في الحوار الإستراتيجي "مجرد مجاملة"
صندوق الاسلام 43: أمراض الفاشية الاسلامية

قائمة العار للدول التي تضطهد الأقليات- أغلبها دول اسلامية وبعضها يدعم الارهاب

كوريا الشمالية
السعودية
العراق
ارتريا
افغانستان
باكستان
الصومال
السودان
إيران
ليبيا
اليمن
شمال ووسط نيجيريا
اوزباكستان
قطر
مصر
الأراضي الفلسطينية
بروناي
ماليزيا
أزربيجان
بنجلاديش
الجزائر
الكويت
اندونيسيا
تركيا
البحرين
عمان