الأخبار القبطية - بالكلمة ننتصر

حكم قراقوش...

نبيل بسادة - 5 يوليو 2015

في حوار تليفوني مع شخصية كنسية معروفة بصراحتها و غيرتها علي الكنيسة القبطية الأرثوذكسية و هو الدكتور فايز حبيب الخادم و الشماس الذي اعرفه منذ اكثر من 15 سنة, اللي و ضع علي عاتقة لمدة أكثر من 30 سنة بعمل القربان المقدس اللي بيتقدم علي طبق الحمل و اللي بيتقدم للشعب لقمة بركة في كنيسة السيدة العذراء و القديس مارمينا بمنطقة Clear water بولاية فلوريدا و ذلك في قداسات أيام ألآحاد-الجمعة- الأربعاء.

و الحوار اللي استمر لحوالي ساعة كان بسبب سؤال طرحه علي الدكتور فايز حبيب عن اقتراح البعض من أعضاء الكنيسة أن تكون اللغة التي يصلي بها القداس باللغة الإنجليزية فقط و لابد من التوقف بالصلاة باللغة العربية.
و كانت و جهة نظر أصحاب هذا الاقتراح الغير مفهوم : أننا نعيش في أمريكا و اللغة الإنجليزية هي اللغة الأولي في أمريكا و اننا لازم نساير المجتمع الأمريكي.

الحقيقة أستغربت من ناس اكد لي الدكتور فايز حبيب انهم يعيشون في أمريكا من سنين..
فكان ردي ,هما فعلا عايشين في أمريكا لكنهم لا يدرون باللي بيحصل في أمريكا من مستجدات في الواقع المعيشي فيها.
و شرحت له وجهة نظري في ذلك , و كيف ان هذا الرأي خاطيء بنسبة 100% و بدأت اعدد له الأسباب:

في سفر أعمال الرسل الأصحاح الثاني عدد: 8
"فكيف نسمع نحن كل واحد منا لغته التي ولد فيها."

أولا: بصرف النظر ان هناك عائلات بتحضر من مصر و كذلك في ناس عايشة في أمريكا و الجمبع لا يعرفوا اللغة الإنجليزية او يتخيلوا انهم بيعرفوا.

ثانيا:
-أن في أمريكا دلوقتي و في الجيش الأمريكي بالأخص عندهم مدارس لتعليم اللغة العربية لأعضاء القوات المسلحة بجميع فروعها .

-جميع الأوراق اللي بتطلع من الحكومة الفيدرالية فيها ترجمة باللغة العربية.

-صناديق القمامة اللي موجودة في مدينة لوس أنجلوس مكتوب عليها بأكثر من 20 لغة و منها اللغة العربية و اللهجة المصرية انها صندوق زبالة -قمامة-الخ..
-كل جالية بتصلي بلغة دولتها..

-حقيقي ان اللغة العربية دخيلة علينا كأقباط من المستعمر الإسلامي. لكنها أصبحت لغة اللي مترجم بها الكتاب المقدس و اننا بنصلي علي مدار أكثر من 1300 سنة باللغة العربية.

-طيب لو أحنا مهتمين بقوميتنا القبطية و مسيحيتنا, يبقي السادة الأفاضل اللي عايزين اللغة الإنجليزية ,افهم انهم يطالبوا بالصلاة باللغة القبطية , و ان الشعب اللي بيقول علي نفسه انه غيور كان اتعلم لغة الأجداد. لكن مافيش حد فيهم عارف او فاهم لغة الأجداد.

-لولا اللغة العربية اللي أتكلم بها شعوب مصر- العراق-سوريا- لبنان, ما كان الكتاب المقدس حدث له ترجمة باللغة العربية.

-لولا اللغة العربية ما كنا عرفنا حقيقة الإسلام و كانت سوف تكون معرفتنا مثل الأجانب. معرفة خايبانة تشجع مسيحيين الشرق الأوسط علي اعتناق الإسلام.

-أذا طلع أولادنا جهلاء باللغة العربية سوف يكون من السهل انجذابهم للإسلام. و الأمثلة كثيرة من بنات و أولاد تركوا المسيحية و أعتنقوا الأسلام . و الكهنة علي مستوي المهجر يعرفوا الكثير منهم.
وزي ما بيحصل مع الأمريكان بيضحكوا أصحاب الدعوة من المسلمين عليهم لجهلهم باللغة العربية.

-ده اللي بيعرف اللغة العربية بيترشح من الحكومة الأميركية للعمل في الشرق الأوسط بكل الامتيازات اللي بيحصل عليها. و لا المفروض ان تترك لاولاد المسلمين فقط.

-اللي بيعرف اللغة العربية الحكومة الأمريكية بتعطي له مكافأة شهرية طوال مدة خدمته.

-تصميم  الكاهن  في هذا بيفكرني بما قاله الداعية الأسلامي د. سعدين الهلالي ان احد الشيوخ قال له  ان اتباعنا لازم يكونوا مثل الميت في ايد اللي بيغسله. و زي الجلد في ايد الدباغ.
يعني ما لهوش حرية الرأي او الاعتراض و يساق مثل المعيز.

-طيب لو عندنا الغيرة المسيحية ما كنا اتعالمنا لغة اللي كان بيتكلم بها السيد المسيح..
ده اللي بيعتنق الأسلام في الغرب كلهم بيحاولوا يتعلموا عربي ..علشان يكونوا مسلمين 100% وزي ما افهموهم في الجوامع.

-هذا أقتراح راح يخالي أبناء الكنيسة القبطية يتجهوا الي كنائس أخري بتتكلم عربي.

-ده حتي لو حدث و اقاموا الصلاة  بالإنجليزي راح يكون انجليزي الي بيصلي به الكاهن غير مفهوم ,من اللي معظم أولادنا و من الأمريكان عارفينه لأن الكاهن راح يصلي انجليزي بالغة العربية.

-كل القديسين المصريين اللي استشهدوا بعد الغزو الإسلامي لمصر كانوا  بيصلوا بالعربي.

-أغلبية كنائسنا فيها كنيستين لا مانع من إقامة قداس بالأنجليزي في كنيسة منهم للي عايز يتأمرك. و يحاولوا يجيبوا للمولودين هنا و الأمريكان خادم مولود في المهجر و ما عندوش اللهجة المصرية و هو بيتكلم انجليزي علشان يتفهم هو بيقول ايه..

و في النهاية قلت للدكتور فايز حبيب المفروض انك تبلغ قداسة الأنبا يوسف بهذا التهريج اللي بيحصل في الكنائس.
و أضفت:

ايه التقاليع اللي كل يوم و التاني بيطلعوا فيها من بعد أنتقال صاحب النيافة و الغبطة البابا شنودة. هما ايه مش معترفين بالبابا تواضروس..
هما لسه فاكرين ان الكرسي البابوي فاضي منتظرين يجي حد و يشغله..
هما مش عارفين ان الرسل لما نزلة عليهم الروح القدس كانوا بيتكلموا بالسنة عديدة و كل واحد كان بيسمع لغته .من المؤكد اللغة العربية. لأن المنطقة العربية كان فيها مسيحيين كثير جدا..

و لم أسمع رد من د. فايز حبيب علي الأقتراح الذي بلغته به و هو :
بلغ صاحب النيافة الأنبا يوسف  بما قيل امامك ..
و أنما التزم د. فايز حبيب الصمت ..
ليه ماعرفش..!!؟؟

قال السيد المسيح: أعداء الأنسان اهل بيته..
يارب أرحمنا و أرفع غضبك عنا..
يارب خالينا نعرفك و نعرف أبنك الوحيد يسوع المسيح..
يارب نعرفك كما انت في الحقيقة ..
و لا نعرفك يارب بالطريقة اللي احنا عايزنها..
اللي هي كل البعد عن محبتك و تواضعك و تسامحك ..

شكرا
نبيل بسادة

إرسل الموضوع لأصدقائك على الفيس بوك و تويتر


تصفح أيضاً من أرشيف المقالات

لم يخترعوا الإرهاب.. بل وَرَثوه
رساله م الشيطان.....
عفواً د. سعد الدين إبراهيم. . من فمك أدينك!!‏
حا تبنى كنيسة؟ إستغفر الله
مظاهرة واشنطن و مظاهرات الصحف المصرية

شاهد أيضاً من أرشيف الفيديو

تاريخ تهمة إزدراء الأديان وأشهر من إتهموا بها
إبادة الأرمن .. اعتراف ألماني وإنكار تركي
المصريون العائدون من ليبيا يتحدثون عن مأساتهم
حركة تحرر القطرية لإسقاط الحكم وطرد جميع القواعد الأمريكية
وزارة الأوقاف تدعي أنها تطهر المساجد من السلفيين

قائمة العار للدول التي تضطهد الأقليات- أغلبها دول اسلامية وبعضها يدعم الارهاب

كوريا الشمالية
السعودية
العراق
ارتريا
افغانستان
باكستان
الصومال
السودان
إيران
ليبيا
اليمن
شمال ووسط نيجيريا
اوزباكستان
قطر
مصر
الأراضي الفلسطينية
بروناي
ماليزيا
أزربيجان
بنجلاديش
الجزائر
الكويت
اندونيسيا
تركيا
البحرين
عمان