الأخبار القبطية - بالكلمة ننتصر

غزوة معهد القلب

الدكتور ماهر حبيب - 10 يونيو 2015

الوزير: أيه الأخبار؟

الموظف : زى الزفت يا باشا مرتبات الدكاترة فى الأرض ومفيش تمريض يسد الشغل والإعتمادات مفيش والإمكانيات صفر والعيانين ما بيرحموش

الوزير : حيلك حيلك إنت عاوز تفهمنى إن الدكاترة والتمريض ملايكة وبعدين أنا مش شغلانتى إنى أدافع عنهم أنا شغلانتى أهزق فيهم أطلع فى التليفزيون أبهدلهم أروح أكشف أخطائهم ولازم أظهر فى الأعلام بأنى بأحارب الفساد علشان صالح العيانين الغلابة

الموظف : أيوه يا باشا بس كده الضرب فى الميت حرام يعنى لا بياخدوا مرتبات عدلة ولا عندهم إمكانيات والمريض ما بيرحمش نقوم إحنا كمان نضرب فيهم

الوزير : النغمة دى مش عجبانى أنا أضرب المربوط يخاف السايب أنا لو وريتهم وش الحنية حا يطمعوا فىّ ويقولوا كادر ومرتبات وأنا مش عاوزهم يحسوا غير بالضعف والمهانة علشان تفضل عينهم مكسورة فبتوع النقابة يتجرأوا ويقول لك المرتبات ضعيفة وبعدين مش كفاية إن بدل العدوى بقى 17 جنية فى الشهر عاوزين ينهبوا

الموظف : بس يا باشا القاضى بياخد 3000 جنية بدل عدوى

الوزير : أنا لو علىّ ألغى بدل العدوى خالص إنشالله يموتوا كلهم أهو نخف عدد الدكاترة وأراملهم تروح تقبض مرتباتهم من الشئون الإجتماعية وأبقى خلصت منهم ومن فلوسهم

الموظف : كده حرام يا باشا

الوزير: حرمت عليك عشتك وضبت مع رئيس الوزرا الغارة على معهد القلب

الموظف: أيوه يا باشا وأنا حا أبلغ المعهد علشان يعملوا حسابهم علشان عندهم دورات المياة  بتتغير وفيه أحواض وتواليتات مرمية ع الأرض ولسه ما شالوهاش فياخدوا خبر ويستعدوا شوية  و بشيلوا الكسر وينضفوا المكان علشان تبان التصليحات إللى جت من تبرعات الناس والشهادة لله كل التغييرات والتصليحات وزارتنا ما إتحملتش منها ولا مليم

الوزير : إنت مش فاهم شغلك عاوز تقول لهم أيه يا أفندى وتبوظ لى التخطيط بتاعى الزيارة دى معموله مخصوص علشان أشيل بيها مدير المعهد وأتكلم عن قساطر فاسدة ودعامات مضروبة وبالمرة نهد الطوارئ الجديدة إللى معموله  ونعمل واحدة تانية على حساب الجيش

الموظف: بس دى بقالها 3 شهور بس

الوزير: ملكش دعوة يا أفندى أنا بأزود الكريدت بتاعى عند الريس وبأظهر بمظهر المدافع عن المريض الغلبان وما بأدافعش عن الدكاترة المفترية

الموظف : بس الدكاترة دول غلابة ومعهد القلب شايل بلاوى كتيرة و الناس حا تقول إشمعنى معهد القلب ما المنظر فى باقى المستشفيات ما يسرش لا عدو والا حبيب ومعهد القلب بالنسبة للمستشفيات التانية جنة

الوزير : أنا مش عاوزك  تفكرنى بالكوارث التانية إللى مش عارف أحلها بس أنا بأعمل شو إعلامى علشان أشد الإنتباه لحتة تانية

الموظف : رئيس الوزرا خرج للمعهد

الوزير يلا نحصله على هناك و تجيب الإعلاميين بتوعنا وتبلغ التلفزيونات وماتنساش تجيب إتنين تلاتة ينطوا يبوسوا على راس رئيس الوزرا وكام واحدة تقعد تعيط قدامه وعاوز دراما على أعلى مستوى و حملة إعلامية تفرقع وتلعلع ترفعنا للسما بعنوان غزوة معهد القلب

إرسل الموضوع لأصدقائك على الفيس بوك و تويتر


تصفح أيضاً من أرشيف المقالات

أسوأ ما يهدد الحياة الزوجية
ليه البشر فى الزمان ده بياكلوا بعضيهم؟
ما ذنب الحمير !!
مذبحة الأقباط
مثلث إحجام المواطنين عن التصويت

شاهد أيضاً من أرشيف الفيديو

يجب على مجلس الأمن اتخاذ موقف من داعمي الإرهاب
لماذا يتم استهداف الإعلاميين فى المحافل الدولية
لأن التبشير مش جريمة لفقوله مخدرات و سلاح
لقاءات مؤثرة مع أهالي الشهداء الأقباط
حزب النور يواصل المتاجرة بالدين رغم الفضائح الجنسية

قائمة العار للدول التي تضطهد الأقليات- أغلبها دول اسلامية وبعضها يدعم الارهاب

كوريا الشمالية
السعودية
العراق
ارتريا
افغانستان
باكستان
الصومال
السودان
إيران
ليبيا
اليمن
شمال ووسط نيجيريا
اوزباكستان
قطر
مصر
الأراضي الفلسطينية
بروناي
ماليزيا
أزربيجان
بنجلاديش
الجزائر
الكويت
اندونيسيا
تركيا
البحرين
عمان