الأخبار القبطية - بالكلمة ننتصر

أنا مصري

حليم اسكندر - 4 يونيو 2015

مش ممكن يكون عادي
أني أتهان يا ناس في بلادي
علشان اشاعه أو كدبه
وعملوها شماعة
القي جمع جاي غفير
 مبدع خالص في التدمير
يحرق يسرق ينهب يتلف
 واسمع فرحه وصوت تكبير
هو العدل فين يا أخواننا ؟
هو العدل في التهجير؟
حتى اللي في الأصل جيراننا
كانوا الأسرع في التدمير
 المواطنة دي مجرد كلمه
ليها نص و في الدستور
بس الواقع بيكدبها
وبيثبت إني أنا مقهور

ليه تحرمني إني أصلي ؟
ويكون لي كنيسة قريبه؟
فيها اشكر ربي تملي
ولا الشكر دي حاجه مريبة؟
 إحنا في دوله ولا في غابه ؟
عايشين وسط غيلان وديابه
وكل ما تحصل كارثة يا عالم
تطلع لينا وشوش كدابة
وأنت فين يا حكومة بلدي ؟
ولا الحكاية دي عاجباكي؟
ليه ترضي بأذية ولدي ؟
الموضوع جاي علي هواكي؟
اصحي وفوقي الله يهديكي
النهارده أنا مقهور
لو فضلتي شايله ايديكي
بكره هاييجي عليكي الدور
وأنت فين ياريسنا يا سيسي
ولا اليمني مني أهم ؟
لي الفخر ان أنت رئيسي
بس بلاش تسكت ع الظلم
ثقتي كاملة في وعد الهي
انه حارسها وانه حاميها
وان كنيسته صامدة قويه
مهما دمرتوا في مبانيها
كل الماضي بيشهد لي
إني مصري أصيل و حر
مهما اشتد الظلم علي
أو حسيت بالقهر المر
مش راح أبيعك أبدا أمي
ولا ف يوم راح اشتم فيكي
دايما أنتي في نبضي ودمي
بس ناديني هاجري عليكي

إرسل الموضوع لأصدقائك على الفيس بوك و تويتر


تصفح أيضاً من أرشيف المقالات

الإعلام المصرى والغرق فى الوحل
نِيَاحَةُ أَنْبَا بُولاَ أَوَّلِ السُّوَّاحِ
تعلمت درسا من الغربان
صوم ام النور..... ام ابنها معلق ع الصليب
الربيع السعودى و بيع الجزيرتين المصريتين لمفلس

شاهد أيضاً من أرشيف الفيديو

مزار شجرة مريم يحتضر وسط إهمال المسؤلين
تحليل بيان وزراة الداخلية مع العميد. خالد عكاشة
الممارسات الإرهابية لجماعة الإخوان وحركة حماس .. الشيخ نبيل نعيم
شهادات نساء اختطفن على يدي حيوانات الدولة الاسلامية
صندوق الاسلام 32: خرافة أصحاب الفيل

قائمة العار للدول التي تضطهد الأقليات- أغلبها دول اسلامية وبعضها يدعم الارهاب

كوريا الشمالية
السعودية
العراق
ارتريا
افغانستان
باكستان
الصومال
السودان
إيران
ليبيا
اليمن
شمال ووسط نيجيريا
اوزباكستان
قطر
مصر
الأراضي الفلسطينية
بروناي
ماليزيا
أزربيجان
بنجلاديش
الجزائر
الكويت
اندونيسيا
تركيا
البحرين
عمان