الأخبار القبطية - بالكلمة ننتصر

عادى

الدكتور ماهر حبيب - 23 أبريل 2015

عادى تغرق سفينة عليها 500 طن فوسفات يعنى نص مليار كيلو جرام من السموم فى نهر النيل المصدر الوحيد لشرب الماء فى مصر
وعادى برضه إنه يخرج علينا متحدثين من وزارة الصحة مهللين و مبشرين أن المية 100% سليمة ومفيش خطر

وعادى قوى تغرق كل الكمية دى وتبقى فص ملح وداب ولا نحاول نطلع من المية ربع كيلو فوسفات مع إن البهوات بيقول لك إنه ما بيدوبش فى المية وهذا صحيح لكنك ممكن تجيب كراكات وتنزح الفوسفات الراقد فى قاع النيل وبدل ما يبقى فيه 500 طن فى الميه أهو يبقوا 499 طن ويبقى نص العمى والا العمى كله

وعادى إننا نطمن الناس ويطلع حاملى المباخر والمطبلاتية بعد يوم واحد من كارثة هذا حجمها ويقول لك عملنا تحاليل والنيل زى الفل وإننا بنطلع إشاعات وبننشر أخبار كاذبة وإننا إخوان والدنيا ربيع والجو بديع قفلى على كل المواضيع

وعادى خالص إن بعد يوم والا إتنين ننسى الموضوع ويا دار ما دخلك شر وننشر معلومة إن المصريين معدتهم بتهضم الحديد مش حا تعرف تهضم 500 طن فوسفات ده حتى يبقى إستهانة بقدرات المصريين الخارقة

وعادى جدا إننا ما ندورش على إللى عمل الحادثة ونحاسب من عملها ومن إنتظر حتى غرقت السفينة بالكامل فى قاع النيل و علقة تفوت ولا حد يموت

وعادى جدا إن رئيس الوزارة ما يطلعش يقول بيان يكشف الحقيقة العارية وينبه الناس من الأخطار التى حصلت وينبه على الناس الإمتناع عن تناول الأسماك فى المناطق المجاورة للحادثة

عادى خالص يا مصريين الحادثة دى زى شكة الدبوس وأنتو شعب جبار حا تستحملوا 500 طن فوسفات وحتى لو 500 طن سيانيد مش حا يأثر فى الشعب إللى خرم التعريفة وحكومته دهنت الهوا دوكو مخلوط بالفوسفات

عادى عادى عادى و بلاش تفكروا علشان ما يجيلكمش الهم و قولوا يا باسط وإحنا عندنا رئيس وزارة طيب ونيتة صافية وإللى قلبه أبيض دايما منصور وأيه يعنى 500 طن فوسفات يعنى حا يكون نصيب كل فرد منكم 5 كيلو فوسفات تاكلوهم تشربوهم تسلكوا بيها سنانكم مفيش مشكلة خالص مادام بتوع وزارة الصحة بيقولوا لكم عادى مشيها عادى لغاية ما تحصل الكارثة ويبان أثر تسمم الفوسفات ساعتها يكون محلب خرج من الوزارة بقاله عشرين سنة وإبقوا قابلونى لو حد حاول يستنجد بالعالم المتحضر لنجدة مصر من كارثة الفوسفات فنحن نؤمن بمقولة دارى على فوسفاتك يدوب والفهلوة كنز لا يفنى

إرسل الموضوع لأصدقائك على الفيس بوك و تويتر


تصفح أيضاً من أرشيف المقالات

خواطر مصري في غربه
اه.....ياني.....منه
مَسِيحُ الخُطَاةِ
جمعة بداية الانتصار
باعت معاكي رساله.....

شاهد أيضاً من أرشيف الفيديو

البابا تواضروس الثاني يتحدث عن "الوحدة" في عظته الأسبوعية
جماعة الإخوان الارهابية هي من وراء بيان البرلمان الأوروبي الغبي
الخطر في إجراء الانتخابات البرلمانية
الجدل حول قرار منع المنقبات من التدريس بالجامعات
هجمات باريس: ردود الفعل الفرنسية والأوروبية تجاه الجاليات الاسلامية

قائمة العار للدول التي تضطهد الأقليات- أغلبها دول اسلامية وبعضها يدعم الارهاب

كوريا الشمالية
السعودية
العراق
ارتريا
افغانستان
باكستان
الصومال
السودان
إيران
ليبيا
اليمن
شمال ووسط نيجيريا
اوزباكستان
قطر
مصر
الأراضي الفلسطينية
بروناي
ماليزيا
أزربيجان
بنجلاديش
الجزائر
الكويت
اندونيسيا
تركيا
البحرين
عمان