الأخبار القبطية - بالكلمة ننتصر

إلحقنا يا ريس

الدكتور ماهر حبيب - 18 مارس 2015

الظاهر إن دواعش وزارة الخارجية شايفين إن السياحة الحرة حرام فقرروا يزهقوا السائح إللى بيخش على النت ويحجز طيارة وفندق ويعمل شوبنج ويتفسح فقرروا بدلا من هدم الأثار وبدل ما تبقى فضيحتنا بجلاجل  إنهم يهدموها داخليا يعنى يقطعوا عليها المية والنور ويسيبوها لغاية ما تقع لوحدها

 يا ناس يا هوووه هو فيه حد درس القرار ده قبل ما يطلعوه والا فيه اصابع داخلية بتهد إللى بنعمله بس من غير ما حد يحس فقعدوا يفكروا نعمل أيه نعمل أيه قال لك نطفش الناس ونقول ده أمن دولة وطبعا أول ما بنسمع أمن دولة كلنا بييجى لنا حساسة وأرتيكاريا ونقعد نهرش فى جسمنا كله بالظبط زى ما كان سعيد صالح بيقول فى مدرسة المشاغبين إعترضوا بقى على كلام ربنا فالمدرسة تخرس خالص وما تفتحش بقها

وطبعا ممكن يضحكوا على الغلابة ويقولوا لهم علشان تبقى المعاملة بالمثل إحنا خلاص بقينا دولة عظمى بعد المؤتمر الإقتصادى والسايح لازم يتمرمط على ما يشوف مصر وأكيد إللى أخد القرار إتفرج على البرومو بتاع الفيلم إللى بيخلى مصر أمريكا وأمريكا مصر فقال لك يلا نخلى الحلم حقيقة ونعمل رسوم على التأشيرة والسايح الغلبان يروح يجيب فيش وتشبية وإثباتات إنه يمتلك قصرا ووظيفة وإنه حا يرجع بلده تانى وما يزوغش ويطلب لجوء سياسي ويشتغل وياخد مكان الواد بليه الغلبان علشان السايح إللى جاى عنده إستعداد يشتغل بأى سعر بعد ما بقى الجنية بقى بعشرة دولار.

ما حدش فكر إن عندنا بلاد ما فيهاش قنصلية فى كل مدينة فلو أنا عايش فى فلوريدا وعاوز قنصلية مصرية لازم أسافر بالطيارة علشان أقدم على الفيزا !!!!! بناقص دى سفرية وعنى ما شفت أبو الهول ولا حتى أم الهول ولو أنا لى أصحاب مع بعض وقولت لهم يلا بينا نقضى الأجازة فى مصر وإحنا مش جروب سياحى وقعدنا ندور إزاى يعملوا التأشيرة العجيبة دى بالنسبة لبلاد سياحية وطبعا أصاحبى  حا يقولك ما تخوتش دماغنا بنخش أوربا وكوبا والكاريبى ودبى وتركيا ولبنان بالجواز ما تخوتش دماغنا بقى ولما يشيلوا الصوابع إللى بتلعب فى البلد نبقى نزوركم

صحيح أللهم إكفنى شر أصدقائى بوزارة الخارجية والداخلية أما أعدائى فأنا كفيل بهم ......إلحقنا يا ريس

إرسل الموضوع لأصدقائك على الفيس بوك و تويتر


تصفح أيضاً من أرشيف المقالات

اليوم العالمي لضحايا الإختفاء القسري
الكهرباء والريف
خطاب شيخ الأزهر في البرلمان الألماني
طبق سلطه
متر الوطن بكام؟

شاهد أيضاً من أرشيف الفيديو

دور الإعلام في الحرب على الإرهاب
هيكل :عشنا حالة ركود فى عصر مبارك و 12 شخصا ظلوا فى السلطة 25 سنة
مقاتلات روسية تضرب داعش في سوريا
أمريكا تكذب وتقول أن الاخوان الارهابية مش ارهابية
آخر تطورات الوضع الليبي

قائمة العار للدول التي تضطهد الأقليات- أغلبها دول اسلامية وبعضها يدعم الارهاب

كوريا الشمالية
السعودية
العراق
ارتريا
افغانستان
باكستان
الصومال
السودان
إيران
ليبيا
اليمن
شمال ووسط نيجيريا
اوزباكستان
قطر
مصر
الأراضي الفلسطينية
بروناي
ماليزيا
أزربيجان
بنجلاديش
الجزائر
الكويت
اندونيسيا
تركيا
البحرين
عمان