الأخبار القبطية - بالكلمة ننتصر

ترنيمتان

الأديب والشاعر فايز البهجورى - 26 فبراير 2015

ترنيمتان : حيران فى دنيا البشر واخترت يارب طريقك
للشاعر فايز البهجورى
الترنيمة الأولى
حـيـران  فى دنـيـا البشر
حـيـران  فى دنيـا البشر      تـايه فى وسط الناس
مغـلـوب على أمــرى       وغــريب فى أوطـانى
مش لاقى قلب رحـيـم        أشكـيـله  أوجـــاعى
و يعـيـد لقـلـبى  ألأمـل      والفرحـــه من تــانى
قـــرار ( أو كورس )
ياعارفين الطـريـق      دلّونى على الطريـق
للمنـقـذ اللى قـال        " أنـا هـــو الطريـق"
-----*-----
حيران  فى دنيا الناس      تــايه مع المجهـول
هـايـم على وجــهـى      غـرقـان فى  أحـزانـى
أروح لمـيــن غـيــرك       ينصفـــنى يــاربى
ينقــذنى من ضعــفـى      و يــقـوّى ايــمـانى
ياعارفين الطـريـق      دلونى على الطريـق
للمنـقـذ اللى قـال       " أنـا هـــو الطريـق"
-----*-----
غريب أنا  فى  دنيتى     مش لاقى لى أحـبـاب
وكل أصحابى     قـفــلـوا فى وشــّـى البـــاب
مش باقى غير بـابـك      مفــتــوح  لكل حــزيـن
مكتوب عليه "اقــرعــوا ... وانــا افــتـح الابــواب"
ياعارفين الطـريـق     دلونى على الطريـق
للمنـقـذ اللى قـال    " أنـا هـــو الطريـق"
-----*-----
قلت أفـتـح الانجـيل       يمكـــن ألاقى حـــل
يخرجنى من كربتى        يفتحــلى فيها طريـق
طلعـتـلى فـيــه آيـــه         ادتــنـى تــعـــزيّه
تريــّح الحيــران ...  من كـل هـــمّ وضـيــق
ياعارفين الطـريـق     دلّونى على الطريـق
للمنـقـذ اللى قـال       " أنـا هـــو الطريـق"
-----*-----
فى الآيه قال المسيح     تعالـــوا يا مـتـعــبــيـن
وانـــا  حريّحـــكم       من كــل  أحمـــالكم
فـأنـا الطــريـق... والحـــق ...والحـب... والحيـــاه
وأنا اللى حــرفــع عـنكم ... كل أثــقـــالكم
ياعارفين الطـريـق     دلونى على الطريـق
للمنـقـذ اللى قـال    " أنـا هـــو الطريـق"
-----*-----
ولما جــيـــت للمسيح       قـلـبى مـعـاه ارتـــاح
خــفــف لى آلامى        وبقيت معــاه مــرتــاح
ادانى حـب وأمـل         خـلّصنى من ضـــيـــقى
جــدد حـياتى معـاه     عـوضلى عـمـرى اللى راح
وعرفت أنا الطريق       وعرفت أنا الـطريق
يسوع هو الخلاص          والحـب والطـريــق
-----*-----
يالى ضللت الطريق      ارجع لحضن يسوع
هو اللى عـنـده ...السعاده ...والأمل... للناس
هو اللى بيقـول لنا :       " لـوتســـألوا تعــطــوا
لو تطـلـبــوا تـجـدوا    راحـه... وحـب ... وخـلاص "
أنا عرفت الطريق       أنا عرفت الـطريـق
عند المسيح  الخلاص     والنجده من أى ضيق
***
اقبلنى يايسوع
 اقبلنى يايسوع
اقبلنى يايسوع
 
*----------------------***----------------------*
الترنيمة الثانية
اخترت يارب  طريقك
 
اخترت ياربّ طريقك   اهدينى للطريق
امنح نفسى سلام    فى كل شدّه وضيق
-----*-----
اخترت يارب طريقك     من بعد ما تهت بعيد
ساعدنى أواصل فيه          بقلب وعقل جديد
-----*-----
لطريق الخير تهدينى    وفى ضعفى انت تقوّينى
وفى مرضى انت حتشفينى
وفى ضيقى انت بتحمينى
-----*-----
وان قفلوا فى وشى الباب      افتح انت الأبواب
واهدينى للطريق           وارشدنى للصواب
-----*-----
ادينى ياربّى قوّه         أواجه بيها الصعوبات
والهمنى يا ربى الحكمه     ترشدنى فى الازمات
وادينى نقاوة قلب         عرّفنى طريق الخير
قوينى على التسامح       أغفر أخطاء الغير
-----*-----
اخترت يارب طريقك     من بعد ما تهت بعيد
ساعدنى أواصل فيه          بقلب وعقل جديد
فايز البهجورى
------------------------------------
نشرت لأول مرة فى 1 -1-2012

إرسل الموضوع لأصدقائك على الفيس بوك و تويتر


تصفح أيضاً من أرشيف المقالات

الطلاق فى المسيحيه
حقيقة الجنرالات الاخوان .. من أبو غزالة لعنان
انتخاب السيسى المعدل وقضايا الاقباط
الفنانة
رنات جرس التغيير بالعام الدراسي الجديد

شاهد أيضاً من أرشيف الفيديو

المطران مار نيقوديموس : وزارة المهجرين في العراق بعثت لمسيحيي الموصل شاحنة مليئة بالفئران !!
مراهقة كردية قتلت 9 من داعش: لو كان الأمر بيدي لفجّرت نفسي
تفاصيل " قانون الإرهاب " الجديد الذي أصدره السيسي
فتاوى اسلامية: يجب قتل زميل العمل الذي لا يصلي
حوار الرئيس السيسي مع التليفزيون الروسي حول العلاقات المصرية الروسية

قائمة العار للدول التي تضطهد الأقليات- أغلبها دول اسلامية وبعضها يدعم الارهاب

كوريا الشمالية
السعودية
العراق
ارتريا
افغانستان
باكستان
الصومال
السودان
إيران
ليبيا
اليمن
شمال ووسط نيجيريا
اوزباكستان
قطر
مصر
الأراضي الفلسطينية
بروناي
ماليزيا
أزربيجان
بنجلاديش
الجزائر
الكويت
اندونيسيا
تركيا
البحرين
عمان