انا القلم الرصاص...شكلي جميل انتيكه
ف ضهري مركب جومه...بيسموها الخواجات...استيكه

انا احلي م الجاف...طويل زي الظراف
احل اي خلاف...دايما ف ايد صراف

تلاقيني الوان...علي ذوق كل العيال
مصنوع من خشب جميل...ع الورق انحني واميل

بينافسني ف السوق...قلم اسمه كوبيا
بس يبقي يقابلني...ده مريض عنده فوبيا

والتاني هو الجاف...له غطا زي اللحاف
مالوش ميزه ولا طعم...زي العيش الحاف

انا الجومه الطريه...لازقه ف القلم الرصاص
والاولاد الشقيه...بيشيلوا بيا العماص

انا اصل الكتابه...وع الاصل دور
سيبك م الحركات...حتي لو كان بينور