الأخبار القبطية - بالكلمة ننتصر

أحلام مورسيكو

الدكتور ماهر حبيب - 12 يوليو 2014

مرسى : ايه يا مشعل ينفع كده

مشعل: فى أيه يا مرسى زعلان ليه

مرسى : من الهم إللى أنا فيه عملتوا لى البحر طحينة وقولتوا لى نشف دماغك وإوعى تتراجع والنتيجة أنا مرمى فى السجن

مشعل : أيوه يا ريس الموضوع سرح مننا وكنا مالين إيدينا من أوباما وإفتكرناه حا يرجعك تانى

مرسى: أهو لا عرف يعمل حاجة وسايبنى فى السجن

مشعل: بس أنا سمعت إنهم مش مقصرين معاك فى السجن وكل البط إللى بيتبعت لك بتاكله بالهنا والشفا

مرسى: أنا حاسس إنى حا أموت زوران فى البط والوز الناس بصالى فى البطتين تلاتة إللى باكلهم كل يوم ...حسدوا المرسى على بطته المحمرة

مشعل : بالهنا والشفا يا ريس

مرسى : أهو ده إلللى فالحين فيه الكلام وبس إنت يا خويا عمال تحش كبسه وخرفان وبتلعب فى الجيم وبتسافر فى الطيارة الخاصة وإنتو باصين لى فى البط والوز

مشعل : طب نعمل أيه يا ريس الموضوع كبر خالص ومش عارفين نعمل أيه

مرسى : يعنى إنتو لما إسرائيل كانت حا تطربقها على دماغكم وأنا حوشت عنكم وطلعت وقولت الناس دى فى ضمانتى ومن ساعتها لا إنتوا حدفتوا إسرائيل بطوبة أو حتى حصوة وفى المقابل بقيتوا عايشين فى تبات ونبات وبتخلفوا إرهابيين وإرهابيات ومحدش بيحك لكم على مناخيركم

مشعل: يا ريس ده إحنا دافنينه سوا إحنا شعللنا الموضوع لغاية ما وصل لدرجة الإنفجار وفرشنا لك السكة علشان إنت تخش وتبقى بطل السلام ويبقى لك كريدت عند البومة السودا أوباما شريكنا فى البيت الأبيض

مرسى : يعنى ما شفوهمش وهما بيسرقوا شافوهم وهما بيتحاسبوا جرى أيه يا مشعل حا نفتق لبعض والا أيه

مشعل: إنت زعلت والا أيه أنا باقول إللى حصل

مرسى : خلاص خلاص حا تعملوا لى أيه علشان تخلصونى أيه من المصيبة السودا دى

مشعل: يا ريس إحنا ما قصرناش قلبنا سينا عاليها واطيها قتلنا جنود رفح علشان تطير طنطاوى وغلطت غلطة عمرك لما إفتكرت السيسي إخوانى

مرسى : ما تفكرنيش

مشعل وبعدينا خلينا سينا كرة نار وكنا شغالين الله ينور وحبارة قتل الجنود وخطفنا العساكر ووقعنا الطيارة وساعدناكم فى التفجيرات بس السيسي طلع جامد قوى وخنقنا فى غزة وما بقلناش رجل فى سينا

مرسى: يا فرحتى يا أخويا إتكلت على حيطة واطية وبكرة أنطس حكم إعدام واتشعلق أنا فى حبل المشنقة

مشعل: طب شور علىَ وأنا أنفذ

مرسى : أنا عاوزكم تشعللوا غزة وتخلوا إسرائيل تطحن غزة علشان الناس تقول فينك يا مرسى

مشعل : بس الخساير حا تبقى كبيرة

مرسى: إنت حا تستعبط ما كل مرة بتنضربوا فيها إنتو عارفين تستخبوا فين تحت الأرض ومفيش حد فيكم صباعه بيخر دم وكل الضحايا من المدنيين وده بيحرج إسرائيل وإنتوا أجدع ناس تستخبوا تحت الأرض وبعدين الدنيا زحمة عندكم أيه يعنى لما ميتين تلتميت طفل يموتوا ما سكان غزة كتيرة يعنى ما العدد فى الليمون

مشعل : فكرك الموضوع حا ينفع

مرسى ما إنت قبل ما تعمل الحكاية رتب مع أوباما والجرايد الأمريكانى علشان تعمل حملة فينك يا مرسى وطبعا تفشلوا أى جهود مصرية علشان تحل الموضوع مع إسرائيل

مشعل: وطبعا حا نهيج الدنيا على حكومة مصر إنها سايبه الفلسطينين الغلابة وإنها سبب المشكلة وطبعا عندنا سياسيين وصحفيين مصريين ومذيعين ممكن يعملوا لنا شبورة لإحراج مصر والسيسي

مرسى : المهم أطلع من السجن علشان انا زهقت من البط والوز وعاوز أكل كبسة خروف

مشعل : اصبر يا ريس وأنا حا اولع لك غزة وحا أخليها بحر دم ومش حا نتراجع حتى لو مات ألوف من غزة لغاية ما نحط شرط وقف النار مع عودتك للإتحادية يا ريس وترجع كل حاجة زى ما كانت... تصور يا ريس منعوا أكل الوز والبط فى الأرض فى الإتحادية ونضفوا كل السجاجيد بعد ما مشيت يا ريس ..شوف التبزير قد أيه

مرسى: أنا صعبان على إنهم رجعوا الخريطة المصرية مع إنى كنت إتعاقدت على سجادة من النساجون يعملوا خريطة مصر من غير سينا ولا حلايب وشلاتين ومن غير مطروح والسلوم بعد ما كنت حا أهديها لإخوانا فى ليبيا

مشعل: ما هو كل ده بسبب السيسي بوظلنا كل حاجة

مرسى : المهم أنا عاوز غزة تولع وفى نفس الوقت نبعد الأضواء عن البغدادى لغاية ما يثبت رجله فى الخلافة الجديدة و تبقى فرصة علشان يضم جزء من سوريا على الأردن وتعملوا معاه وحدة لغاية ما نشوف موضوع سينا ده حا يرجع إزاى علشان نوسعها على أهلنا وعشيتنا فى غزة

مشعل: عيينينا لك يا ريس

صوت  يخش على الخط: لما تشوف حلمة ودنك يا مورسى

مرسى : مين مين

الصوت: مش عارفنى أنا مين

مرسى: عبد الرحيم

الصوت: لا يا مرسى أنا إللى حا أخليك تمشى تكلم روحك

مرسى مين مين

الصوت : مش حا اقول لك بس عاوز أقول لك كل إللى بنيته إتهدم وضاع فى غمضة عين يا حسين يا حسين

مرسى : إلحقوووووونى

إرسل الموضوع لأصدقائك على الفيس بوك و تويتر


تصفح أيضاً من أرشيف المقالات

قبطي وافتخر .. !! ؟؟
نص كم الوزيره
بص ع الخريطه
يا أيها المحمديون .لا أعبد ما تعبدون . ولا أنتم عابدون ما أعبد
لا للطائفية...الكل واحد في المسيح

شاهد أيضاً من أرشيف الفيديو

‬مجدي الجلاد يشكر جماعة الأخوان الارهابية وأردوغان الارهابي
كلمة يوسف الحسيني حول الاعتداءات على الاعلاميين المصريين
أخبار الكنيسة ٢٧ - ٢ - ٢٠١٤ م
أحمد عكاشة يُفسر إبتسامة قيادات الإخوان لحظة القبض عليهم فى أجرأ الكلام
علاقة باسم يوسف ونادر بكار ووائل غنيم بجامعة هارفرد

قائمة العار للدول التي تضطهد الأقليات- أغلبها دول اسلامية وبعضها يدعم الارهاب

كوريا الشمالية
السعودية
العراق
ارتريا
افغانستان
باكستان
الصومال
السودان
إيران
ليبيا
اليمن
شمال ووسط نيجيريا
اوزباكستان
قطر
مصر
الأراضي الفلسطينية
بروناي
ماليزيا
أزربيجان
بنجلاديش
الجزائر
الكويت
اندونيسيا
تركيا
البحرين
عمان