الأخبار القبطية - بالكلمة ننتصر

المرة دي بيظلمونا و يضطهدونا علشان بنحب السيسي

نبيل بسادة - 22 يونيو 2014

أيام الزعيم الثوري جمال عبد الناصر اللي غير خريطة الشرق الأوسط و أمريكا اللاتينية و أفريقيا  تم أنتاج   الوف من الأفلام التي تظهر عبقرية الفنان المصري و الذوق الرفيع بتاع الشعب المصري.


 و كانت الست المصرية تمشي في الشارع ماتعرفش تفرقها ان كانت مسيحية او مسلمة او يهودية.


و في زمن عبدالناصر ظهرت موضة الميكروجيب و كانت معظم بنات و سيدات مصر يلبسن هذه الموضة و هن مطمئنات و ما فيش خوف ,و ما كانش في الشارع اي حالة تحرش و لم نكن نسمع عن كلمة تحرش و لا نعرف معناها ان قيلت.


و في أيام الزعيم الراحل جمال عبد الناصر كانت كثير من السيدات عندهن الحرية في رضاعة اطفالهن في وسائل المواصلات العامة و ما كانش هناك تحرش ,و لا في راجل كان يقدر أنه يبص لست بترضع او يتلفظ لها بكلمة أحتراما للامومة , علي اساس أن هذه الست محترمة و كان اي شاب او راجل في أي سن كان بيعاملها كأنها أخته أو امه أو بنته أو زوجته.


رحل الزعيم جمال عبدالناصر و برحيله زي ما يكون رحلت معه الأخلاق و المباديء و أحترام الفرد التي كانت موجودة و عاملة للمصريين رجال و نساء قيمة و أحترام.


و ظهر بعدها في مصر رؤساء مدعي زعامة و بطولة و ثورية و مع الرؤساء مدعي الزعامة و البطولة و الثورية ظهر أيضا ناس مدعي التدين و طول النهار قال الله و قال الرسول..


و أستوردوا لنا في مصر موضة الحجاب و فرضوها علي كل واحدة مسلمة علي اساس أن الحجاب هو الطريق الي الجنة و كل واحدة راح تلبس حجاب لما تموت ,راح تصبح حورية من اياهن تستمتع بنكاح الرجال و تعود اليها عذريتها بعد كل جماع.


ولما تجار الدين لاقوا موضوع الحجاب ماشي و عال العال أستوردوا لنا في مصر موضة النقاب , اصبحت المرأة المصرية اللي تحررت و كان لها صوت مسموع منذ ايام هدي شعراوي في بداية القرن الماضي ,رجعت المرأة المصرية مرة أخري مثل نساء أفغانستان و غيره كثير من الدول اللي واخدة الشريعة الأسلامية سبيل لاذل الشعب.



و في مصر اصبحت الشريعة الأسلامية قانون رسمي يستخدم ,لأذلال الأقباط و سيف مسلط علي رقبتهم. و ده ببسبب الرؤساء اللي تولوا الرياسة بعد عبد الناصر في مصر في غفلة من الزمن , و أدعوا الزعامة و البطولة و الثورية.


و لكن بعد ثورة الشعب المصري في 30 يونية و التفويض اللي أعطاه أكثر من 40 مليون مصري من مجموع الشعب المصري اللي نزلوا في الشارع الي المشير عبدالفتاح السيسي يوم 3 يوليه لتطهير البلد من جماعة الأخوان المسلمين الأرهابية, اللي وصلوا عن طريق التزوير و بمساندة الغرب الي حكم مصر.


أشاع فيها هؤلاء االأرهابيين من الأخوان المسلمين و زودوا فيها الخراب و الفساد و المحسوبية. و اتنايلت مصر أكتر مما هي متنيلة.


و تنفس أكثر من 85 مليون مصري من مجموع 90 مليون بحرية بعد أنتخاب الرئيس عبدالفتاح السيسي . و رجعت البشاشة و انزاح الحزن من الوجوه و دخل الأمل و الفرح بيوت المصريين..لما انزاحت جماعة الأخوان المسلمين الأرهابية و حكم الدين اللي اتفرض علي الشعب عن طريق الخيانة و استغلال جهل و فقر نسبة كبيرة من الشعب المصري.


و كان أكثر الناس فرحا بانتخاب الرئيس السيسي هم الأقباط و كان أكبر دليل علي فرحهم هو انهم في نسبة الأصوات كانوا أكثر من 50% من مجموع الأصوات اللي حصل عليها الرئيس السيسي في الأنتخابات.
و كانوا يمثلوا أيضا نسبة عالية أكثر من 50% من الي خرجوا يوم 30 يونية و 3 يولية.


و لكن الرياح دايما تأتي بما لا تشتهي السفن, و بعد أنتخاب السيسي رجعت ريما الي عادتها القديمة و أبتدا أضطهاد الأقباط يزداد و المرة دي بطريقة رسمية من الدولة و اشترك في هذا الأضطهاد و الشهود عليه ,لواءات من البوليس كأن الدولة بتختم بخاتم النسر علي القاعدات العرفية و بتاعة القبائل مش بتاعة دول..


و بدأوا في فرض فتونتهم و سفالتهم و ركنوا كلمة ضمير و أخذوها و حرقوها في اي تعامل يكون الأقباط طرف فيه.


الأمثلة كثيرة علي هذا الأضطهاد و الظلم و هو بالمئات بل بالألوف ,و كلها مسجلة و الدولة تعلم بها, و شاهدة عليها.
و الأضطهاد متمثل في خطف البنات القصر و اسلمتهن, حرق الكنائس, خطف و قتل مسيحيين و طلب فدية بمئات الألوف كجريمة منظمة معمول لها خطة حتي يوصلوا المسيحيين الي مستوي أدني من الفقر لتسهيل أسلمتهم و أذلالهم.
 
و أحكام السجن علي الأقباط بموضة جديدة اسمها أزدراء الدين الأسلامي مع ان الأسلام دين لا يمكن أن يزدري به. , اتحدي اللي يقول غير كده بالدليل المادي من كتاب القرآن و الأحاديث. و التفسيرات الاسلامية.


أنا كنت فاكر مع أنتخاب المشير عبدالفتاح السيسي كل شيء راح يتغير في مصر و أن القانون راح ياخد مجراه بدون تحيز ضد الأقباط.
لانني مازلت مقتنع و مؤمن بكل كلمة قالها المشير السيسي و انه لما كان بيتكلم عن رفضه للظلم انه كان بيتكلم للمسيحي و المسلم مش للمسلم فقط.


في مسابقة كأس العالم في كرة القدم اللي بتتلعب في البرازيل كل المنتخبات المسيحية من أوروبا و أفريقيا بتضم لعيبة مسلمين...


هل ممكن مصر أنها ترتقي الي هذا المستوي في التعيينات و الوظائف حتي في لعب الكورة و اللا لازم يكون مسلم علشان يكون مؤهل و عنده كفاءة ( طبعا مش راح أعيد و أقول ان انه تم انشاء كليات مدنية في جامعة الأزهر لمحاربة تفوق المسيحيين في المجاميع و كفائتهم العالية ,اللي الحكومة المصرية لحد دلوقتي بتخفيها في التعيينات و الوظائف العليا بعد تخرجهم..)


شوفوا نسبة الوزراء الأقباط في الحكومة الجديدة لا يمكن يزيدوا عن 3 وزراء..مش مهم الكفاءة المهم مايكونش مسيحي..ده الفرق بين الدول المتقدمة اللي بتعتمد علي الكفاءة العلمية والدول اللي راح تفضل متخلفة اللي بتعتمد علي الكفاءة الدينية..


مع أنه:  


المسيحي بنسبة 100% في أي موقع مدني أو عسكري لا يمكن انه راح ينظم مليشيات ضد نظام الدولة.


و المسيحي بنسبة 100% في أي موقع مدني أو عسكري هو صمام الأمان اللي يحافظ علي النظام.


و المسيحي بنسبة 100% في أي موقع مدني أو عسكري ليس له طموح أنه يصل الي رياسة مصر بطريقة غير مشروعة.أو بأنقلاب أو عصيان مدني.


المسيحي  بنسبة 100% في أي موقع مدني أو عسكري يصلي دايما  لرئيس الدولة أن يعطيه ربنا و اللهنا الحكمة و يفتح له بصيرته.


المسيحي بنسبة 100% مدني أو عسكري يرفض الظلم و الأذلال و يرفع دايما و كما قال مثلث الرحمات قداسة البابا شنودة الثالث شكواه الي الله.


و أذا اترفعت شكوة المسيحي الي الله الواحد القدوس خالق السماء و ألأرض و مايري و ما لايري و سمع ربنا هذه الشكوي و أستجاب لها في الوقت حسب مشيئته الالهية.  


فتكون بعض من الآيات اللي قالها ربنا في كتاب المقدس:
-نقشتكم علي كف يدي من يمسكم يمس حدقة عينيه
-تدعوني وقت الشدة ..أستحيب فتمجدني.. قال الرب
-أنا قد أعطيتهم كلامك و العالم أبغضهم لأنهم ليسوا من العالم كما أني لست من العالم. لست أسأل أن تأخذهم من العالم بل أن تحفظهم من الشرير.
-قدسهم في حقك. كلامك هو حق.


و مازال عندي أمل و ثقة أن الرئيس السيسي لأنه بيحب مصر و يعشق ترابها و كل شيء مصري ,ممكن يرجع مصر للمصريين . و يعطيهم كلهم و طبعا من ضمنهم الأقباط الحق و المساواة و المواطنة و ينهض بمصر الي القرن ال21 بدل القرن ال7 اللي مسيطر علي شريحة كبيرة من المصريين  في فكرهم و أخلاقهم و طباعهم.


و هذا الأمل لن يتحقق الا بألغاء دستور جماعة الأخوان المسلمين الأرهابية و اللي استفتي عليه مرتين مرة أيام "د. "محمد مرسي" و مرة ايام المستشار"عدلي منصور" بعد التعديل و ذلك لتقييد سلطة رئيس الجمهورية المنتخب .لأن أعضاء اللجنة ال50 كانوا عارفين و متأكدين ان المشير السيسي الشعب عايزه. فأعطوه سلطات لا تزيد عن سلطات رئيس لبنان حسب أجتماع الطائف و قريب من سلطات ملكة أنجلترا تملك و لا تحكم.


في ظروف مصر الحالية عايزين رئيس لا تقل مدته عن 6 سنوات ( مثل النظام الفرنسي)  .و ممكن تجديدها ل3 مرات..دي مصر في حالة حرب شرسة علي الأرهاب و الفقر و التطرف...ويفوض الرئيس الحالي تفويض بكامل سلطات رئيس الجمهورية..


و لما تنظف مصر و تشيل الأرهاب و الفقر و التطرف يبقي رئيس لمدة 4 سنوات و مرتين أو مرة واحدة مش مهم..


مطلوب دستور جديد يتماشي مع طلبات ثوار 30 يونية و تفويض 3 يوليه..
كفاية تهريج و تضييع وقت شوفوا الشعب عايز أيه...


  شكرا

نبيل بسادة


المراجع:
كتاب الفتاوي: الشيخ متولي الشعراوي
حقيقة الحجاب و حجية الحديث: المستشار سعيد العشماوي
قس و نبي : ابو موسي الحريري
مقالة الأسلام لا يزدري به : نبيل بسادة
هكذا عرفت النور: يوحنا بيشوي عبدالمسيح ( يحي المرسي عبدالفناح سابقا)
لقائي مع المسيح: فيبي عبد المسيح ( ناهد محمود متولي سابقا)




 
 راح نراجع مع بعض جزء من الزمن الجميل
و أنترحم علي جمال عبد الناصر .


-جمال عبدالناصر و جماعة الأخوان المسلمين الأرهابية
http://youtu.be/tMXoJAANdQw





-عبدالحليم حافظ  :خايف مرة أحب
طبعا مش بيغانيها لعبدالسلام النابلسي ...بيغانيها مع عبدالسلام النابلسي
http://youtu.be/mZOVvvSc4HY



-عبدالحليم حافظ : بأمر الحب
طبعا مش بيغانيها مع زبيدة ثروت...بيغانيها لزبيدة ثروت
http://youtu.be/jTr2T7nN1Jk





ده هو الفرق بتاع الزمن الجميل اللي كانت فيه مصر أم الدنيا..                                      

إرسل الموضوع لأصدقائك على الفيس بوك و تويتر


تصفح أيضاً من أرشيف المقالات

مصر...يمن...كوبا
كلمة بسرعة.. المسيح عيسي بن مريم
دولة القانون
براءة مبارك سبب لمحاكمة السيسى ومن سبقه على عرش مصر
المغيبة عقولهم ...

شاهد أيضاً من أرشيف الفيديو

خطف قبطية قاصر و تواطوء امن الفيوم
فرنسا: الهاجس الأمني يهيمن على كأس الأمم الأوروبية
حول المطالبة بحذف بعض الآيات القرآنية
بيان حزب المصرين الأحرار حول حادثة قرية "الكرم"
داعش ينتقم لخسارته الفلوجة بتفجيرات السعودية وتركيا

قائمة العار للدول التي تضطهد الأقليات- أغلبها دول اسلامية وبعضها يدعم الارهاب

كوريا الشمالية
السعودية
العراق
ارتريا
افغانستان
باكستان
الصومال
السودان
إيران
ليبيا
اليمن
شمال ووسط نيجيريا
اوزباكستان
قطر
مصر
الأراضي الفلسطينية
بروناي
ماليزيا
أزربيجان
بنجلاديش
الجزائر
الكويت
اندونيسيا
تركيا
البحرين
عمان