الأخبار القبطية - بالكلمة ننتصر

مش كفاية بالكلام بتحب مصر.

فايز البهجورى - 23 مايو 2014

مش كفاية بالكلام بتحب مصر.
مصر محتاجة لايدين الشغّالين العرقانين.مش كفاية اللى تبنى مجد مصر.
للشاعر فــايـز البهجـورى
 
مش كفاية بالكلام بتحب  مصر.
مش ضرورى تقول قصيدة فى مدح مصر
مش مهم تـقوم  وتهتف باسم مصر
 
مصر فى الأيام دى مش محتاجة صوت الهتّافين
مصر محتاجة لإيدين الشغالين العرقانين
اللى تزرع أرض مصر
واللى تجنى الخير لمصر
واللى تسعد شعب مصر وأهل مصر الطيبين
هو ده الحب الحقيقى حب مصر.
هو ده الحب اللى يبنى صرح مصر
 
****
مش كفاية تقول لكل الدنيا أنت تبقى مين.
تبقى ابن أعظم حضاره فى مصر تتحدّى السنين.
المهم تقول لكل الدنيا أنت عملت إيه
إيه بديته ؟ وإيه نهيته ؟ ولّلا بتخطـط لإيه ؟
لجل ترفع اسم مصر
لجل يرجع مجد مصر
لجل يبقى المصرى قدوه فى سباق العاملين
هو ده الحب الحقيقى حب مصر
هو ده الحب اللى يبنى صرح مصر
***
مش كفايه تحكى للدنيا  تاريخ مصر اللى فـات
المعـابد.. والمساجد..   والكنايس..  والأهرمات.
وانت نـايم ..أو متـابع "ماتش كـوره" ..." مسلسلات "
وانت فاهم انك انته تحب مصر
مش صحيح بالشكل ده بتحب مصر
الصحيح هو العمل... هو العـرق... هو السهر من أجل مصر
***
لو صحيح بتحب مصر..وتستحق يقـولوا عـنّـك "ابن مصر"
قـوم واصنع حتى ابـره ... قـوم ومارس أى خــبره ...
قـوم وحقـق أى نصـر
قـوم وازرع حتى شجـره... يجى يوم راح تـدّى  ثمره...
 ياكلـوا منها أهل مصر
قوم وابنى  حتى كـوخ ... قـوم ومدّ مـك حتى طوبـه ...
فى بنـاء راح يبقى قـصـر
 
***
كل ده مش يبقى أحسن    من حديث الذكريات
والتغـنّى باللى فـات ؟
وبعدها بتظنّ انك " ابن مصر"
وانتهى دورك فى مصر بمدح مصر
 
ابن مصر.. هو اللى يوصل.. مجد مصر.. بماضى مصر
هوه ده الحب الحقيقى حب مصر
بعدها  بتقـوم وتهتف : تحيا مصر.
تحيا مصر .
                     فايز البهجورى

إرسل الموضوع لأصدقائك على الفيس بوك و تويتر


تصفح أيضاً من أرشيف المقالات

لكى لا تأخذنا الأحلام بعيداً بحكم "القديسين"
هولوكست الاقباط
اعمل ايه.....
SPIRIT OF THE HORSE
يا جبل ما يهزك ريح.....

شاهد أيضاً من أرشيف الفيديو

أبو الفتوح يلعب دور المحلل من أجل الإخوان الارهابية
قناة الخنزيرة الملعونة تستضيف عبيط اسمه رامي جان
تفاصيل الاكتشاف الجديد لحقل غاز بمدينة بلطيم
خيانة الإخوان الارهابية للأنظمة التي تصالحت معهم
مسيحيو الأردن يصلون للسلام وعودة الطيار الأسير لدى "داعش"

قائمة العار للدول التي تضطهد الأقليات- أغلبها دول اسلامية وبعضها يدعم الارهاب

كوريا الشمالية
السعودية
العراق
ارتريا
افغانستان
باكستان
الصومال
السودان
إيران
ليبيا
اليمن
شمال ووسط نيجيريا
اوزباكستان
قطر
مصر
الأراضي الفلسطينية
بروناي
ماليزيا
أزربيجان
بنجلاديش
الجزائر
الكويت
اندونيسيا
تركيا
البحرين
عمان