الأخبار القبطية - بالكلمة ننتصر

امتى حتعرف ياحمار انك حمار (قصة رمزية تخيلية ساخرة )

الشاعر فايز البهجورى - 21 يونيو 2013

المشهد الأول
حمار نسى نفسه
سألوا كبير الحمير حماقاتك بقت كتير
ببلاهه نهّق وقال " دى ضريبة التغيير"
حاجات كتير بلاقيها لازم ألغوص فيها
ويا " فيها " أو " أخفيها " واللى يصير يصير
حأجيب "عاليها" فى "واطيها" بمشاركة الفيران
و يبقى "واطيها" و"عاليها " فى المستوى سيّان
راح أدى دور للقنافد تنافس الغزلان
وأقطع جناح النسور وأدعّم الغربان
حأقطع قرون العجول و أسلّح الصراصير
وأدى مساحه كبيره للقمل.... والدبابير
حأقطع رجول النعام وتمشى زى السلاحف
وكل شيى له نظام حتى ولو كان مخالف
حأفتح حدود الغابه لكل سرب جراد
وكل شيئ له دور وكل شيئ بمعاد
ثعلب يعلّق على كلام الحمار
وسمعه ثعلب عجوز وقاله فى استنكار
ازاى حتعمل ده كله وانت مجرد حمار ؟؟؟
***
خرس الحمار وانكبس ودمه فار واتحبس
وفضل يفكر فى حل ازاى ما يبقاش " حمار "
*-------------------------*
المشهد الثانى
حمار عايز يبقى حكيم
سأل الحمار مين الحكيم فى الغابه؟
قالوا الحكيم فى الغابه هو " الزراف ".
وقالهم وأنا مين ؟
قالوله أنت " الحمار ".
وقالهم... شايفينى ايه ؟
قالوله .. شكلك ...وصوتك ... وفكرك بيقولوا انك"حمار " .
قال يعنى ايه ؟
قالوله يعنى غبى... ومالوش اردة اختيار .
يقولوله امشى يمين ...يمشى يمين...
يقولوله امشى يسار... يمشى يسار .
يسيبوه ينهّق... ينهّق ..
ويلجّموه ... يخرس..
ويحطوا فوقه " بردعه "
ويركبوا على ضهره يكمّلوا المشوار
المشهد الثالث
حمار فى جلد زراف
جات للحمار فكره .. يغيّر مظهره . ويبقى "زراف "
لقى زراف ميت سلخه ولبس جلده .
وطلع فى وسط الغابه يتباهى بجلد الزراف .
وسط الفيران ...والسحالى ... والكلاب... والخراف.
***
وعظّموه الفيران .
ورفعت ديولها السناجب.
ووسّعتله السحالى الطريق .
والبغل... خد له جانب .
***
خدت الحمار نشوه وقال أحييهم .
وقام ينهق ليهم ...
وكانت فضيحه ليه ... وهو وسطيهم .
عرفوا حقيقته ... "حمار" و "ابن حمار ".
***
صرخوا فى وشه و قالوله ما انتاش " زراف"
... دانت طلعت "حمار ".
***
وانفضوأ من حواليه . ومين يثق فى حمار
مش بس حيوان غبى ..دا طلع كمان فشّار .
وعمللى نفسه "زراف ".
***
المشهد الرابع
حمار عمل نفسه أسد
وفى مرة تانية بعدها.
سأل الحمار مين "القوى" فى الغابه؟
قالوا القوى فى الغاية ...هو" الأسد."
تنّح وقال ...يبقى أنا ... لازم " أكون أسد ".
وأبقى القوى فى الغابه من غير منافسة أحد .
***
وفضل يلف الغابه ...عشان يلاقى حل.
ازاى يكون أسد ؟
وجات له فرصه فريده حدوثها شيئ نادر
ولا تخطر على بال أحد .
***
لمح أسد ميت كان عضته "كوبرا" ( ثعبان )
قال فرصه جاتلك ياحمار كبرى
سلخ الأسد واتخبى فى جلده
وتنه ماشى بين دروب الغابه رايح جاى
يختال بجلد الأسد .
وصدّق انه أسد
وفضيحته كانت كبرى .
***
شافته الوعول ...جريت وهربت منّه
شافه الجاموس ...جري وخاف منّه
ولما شافته القرود ...جريت على الأشجار
ولما شافته الحمير ...جريت بعيد عنه
***
وقال فى نفسه : " أنا بقيت الكبير"
" أنا كبير الحمير. "
" أنا الأسد الجديد ."
ونهق بصوت عالى
سمعه القريب والبعيد .
***
ولما سمعوا الحمير
صوته "نهيق" مش "زئير"
وبان على حقيقته
"حمار وابن حمار ."
***
واتلمّت القرود ... واتلمّت السناجب.
واتلمت الخنازير ...واتلمت الأرانب.
والتفّوا من حواليه ... وقرروا يزفّوه
عشان ما يتكررش منه اللى همّا شافوه
وادوله درس كبير:
الحمار أهوّ... الحمار أهوّ ...
الكدّاب أهوّ... الحمار أهوّ ...
الفشّارر أهوّ... الحمار أهوّ ...
الحمار أهوّ... الحمار أهوّ ...
المشهد الخامس
درس من الثعلب للحمار
وع البعد منهم كان يراقبهم
ثعلب عجوز صدمه خداع الحمار.
مسكله ريشة غراب وفضل يخطط بيها
رساله ساخره للحمار ، قال للحمار فيها :
امتى حتعرف يا "حمار" انك "حمار"
تلبس" أسد "... تلبس "زراف" ... أو جلد "دب ".
تعمل جمل... تعمل حصان ... أو حتى " ذئب "
انت الحمار ابن الحمارابن الحمار .
وحتعيش حمار.... وتموت حمار...
ياحمار

إرسل الموضوع لأصدقائك على الفيس بوك و تويتر


تصفح أيضاً من أرشيف المقالات

صوم ام النور.....
السيسي ولميس.....
فلسفة الصيام و التبتل لدى الكنيسة القبطية المصرية
فيلم العار الأمريكانى
ايزابل الشريرة وآن باترسون السفيرة

شاهد أيضاً من أرشيف الفيديو

هل تنجح الخطة الأمريكية الروسية الجديدة في سوريا؟
معضلة تنظيم الاعلام المصري
صندوق الاسلام 44: أزمة التعليم الاسلامي
توزيع أعداد وقوع مسيرات ومظاهرات الإخوان بالمحافظات
رسمياً موسكو تتهم أردوغان بالتورط بنفط داعش

قائمة العار للدول التي تضطهد الأقليات- أغلبها دول اسلامية وبعضها يدعم الارهاب

كوريا الشمالية
السعودية
العراق
ارتريا
افغانستان
باكستان
الصومال
السودان
إيران
ليبيا
اليمن
شمال ووسط نيجيريا
اوزباكستان
قطر
مصر
الأراضي الفلسطينية
بروناي
ماليزيا
أزربيجان
بنجلاديش
الجزائر
الكويت
اندونيسيا
تركيا
البحرين
عمان