الأخبار القبطية - بالكلمة ننتصر

فيه حد فاهم حاجة؟

الدكتور ماهر حبيب - 31 مارس 2013

عندى شوية أسئلة وياريت حد يجاوبنى عليها

·       مين هو القرد والقرداتى بتوع مرسى؟

·       رأيك أيه يا أبو عمامة فى لقاء مرسى والظواهرى ؟ وطبعا هما لما إتقابلوا كانوا بيتكلموا مع بعض إزاى نحضر الملوخية بالأرانب

·       مين هى الدولة إللى مرسى كان بيلقح عليها الكلام فى قطر؟ وعلشان أسهلها لكم هل هى الإمارات أو الإمارات أم هى الإمارات؟

·       طب ليه الكويت (تضامنا مع الإمارات وإللى يتغاظ يتغاظ) قالت إنها معندهاش مانع إن المواطنين الكويتيين المتورطين فى خلية مرسى فى الإمارات إنهم يتحاسبوا وياخدوا عقابهم بعد ما مرسى ساب صوابعه فى قطر؟

·       منع بنات الجنرال العظيم عمر سليمان من السفر تسموها حاجة غير قلة الأدب والوقاحة الإخوانية؟

·       هل تم تناسى الإحتفال بذكرى العندليب بإذن وزير الإعلام الإخوانجى له علاقة بأن عبد الحليم كان بيغنى ويقول ناصر كلنا بنحبك وحنفضل جنبك ويمكن فاكرينه  بيغنى لمرسى لما قال إنى أغرق أغرق أغرق أو بيغنى للإخوان ويقولهم حلو وكداب؟

·       هل وصلت قلة الأصل عدم الإحتفال بذكرى الفتى الأسمر الفنان المحبوب أحمد زكى لأنه تجرأ وعمل فيلم ناصر56 مع إن أحمد زكى عمل فيلم مخصوص للقرد إللى بيحبه مرسى ولو ربنا كان إداله عمر كان حا يمثل لنا فيلم الرئيس فى الجبلاية ؟

·       مين إللى قتل عمر سليمان؟

·       من قتل يسرى سلامة؟ ملحوظة ممكن حد يفهمنى من الدكاترة إزاى واحد شاب عنه 38 سنة ولا يعانى من أمراض مزمنة وتيجي له نزلة معوية تقلب بتسمم فى الدم وصدمة تسممية(septic shock  ) ويموت فيها ده على إعتبار إنه كان بيتعالج تحت السلم ببول الإبل!!!!

·       من حاول قتل يسرى فودة؟

·       ومين حاول قتل عمرو موسى لما عربية نقل دخلت بكل قوتها فى عربيته وربنا نجاه من المؤامرة؟ بجد إنتوا فاكرين والا ناسين الحادثة دى؟

·       الحلقة الجاية لباسم يوسف حا تكون من سجن طرة والا سجن وادى النطرون؟

·       مين هو النائب العام الشرعى فى مصر الأن؟

·       ممكن حد يفكرنى هى قضية أبو إسلام فى سب المسيحية راحت فين؟ إتحفظت والا إتحرقت والا هى بضاعة أتلفها الهوى؟

·       ممكن حد يقولى مرسى حا يرجع مليارات ليبيا إزاى لو القضاة المصريين حطوا له العقدة فى المنشار وطلع قذاف الدم مصرى ومعندوش تهم سياسية؟

·       وبالمناسبة دى ما هو توصيفكم لتسليم لاجئين سياسين لجأوا لمصر مقابل فلوس هل هى ندالة أو دعارة سياسية مع إن المثل بيقول لك تموت الحرة ولا تأكل بثدييها وما هى العلاقة بين هذا الأمر وبين بنات الليل اللاتى يبيعن أجسادهن مقابل المال لأنهم مش لاقين ياكلوا؟

·       وأخيرا بجد مش هزار حد يقول لى مين هو رئيس مصر الحالى ؟ وإللى حا يعرف الجواب حا يكون جايزته صوباعين تلاتة من صوابع مرسى بعد ما الحلوانية بطلوا يشتغلوا فى صوابع زينب وبيعملوا صوابع إخوانى  علشان محدش ضامن الزمن فمين عارف ما يمكن الريس يقول لك إن إللى بيعمل صوابع حتى لو كان صباع محشى كرنب أو ورق عنب يبقى هو إللى خارب مصر ويتم محاكمتة بتهمة الخيانة الصوباعية العظمى؟

·       وفى النهاية ..فيه حد فاهم حاجة؟

إرسل الموضوع لأصدقائك على الفيس بوك و تويتر


تصفح أيضاً من أرشيف المقالات

الدولة العبيطة
الحب والتقديس .. والفرق بين رئيس ورئيس
شعب مالوش حل
إقتراح
فريق اسمه غانا

شاهد أيضاً من أرشيف الفيديو

فريد الديب: لم يحكم مصر رئيس خائن سوي محمد مرسي ورفضت الدفاع عنه
الطفل مينا ضحية الإهمال الطبى بمستشفى حميات دمنهور
ملابس وأسلحة داعش من القاعدة الامريكية فى دولة قطر الارهابية
مصر الحضارة والمستقبل وحديث شيق وممتع مع د. وسيم السيسي
تنظيم داعش الإرهابي يجند الأطفال ويضمهم الي صفوف التنظيم

قائمة العار للدول التي تضطهد الأقليات- أغلبها دول اسلامية وبعضها يدعم الارهاب

كوريا الشمالية
السعودية
العراق
ارتريا
افغانستان
باكستان
الصومال
السودان
إيران
ليبيا
اليمن
شمال ووسط نيجيريا
اوزباكستان
قطر
مصر
الأراضي الفلسطينية
بروناي
ماليزيا
أزربيجان
بنجلاديش
الجزائر
الكويت
اندونيسيا
تركيا
البحرين
عمان