الأخبار القبطية - بالكلمة ننتصر

هلال وصابر

الدكتور ماهر حبيب - 13 أبريل 2013

·       إسمك ايه؟

·       هلال صابر

·       ايه إللى جابك هنا؟

·       أنا كنت معدى بالصدفة أشترى عيش للعيال

·       شكلك غريب مش مستريح له

·       ليه يا باشا ده أنا مصرى إبن مصرى مولود فى أسيوط وعايش فى الخصوص بأكل عيشى بعرق جبينى وبأجرى على رزقى جرى الوحوش وبأحب مصر لأنى مصرى

·       لا إنت فيك حاجة غريبه إسمك هلال يعنى راجل تبع الشهور القمرية وإسم أبوك صابر يعنى إسمك بين البينين

·       أيه بس إللى غريب فى

·       يعنى حالق دقنك وقورتك منورة زى البنور

·       وهو ده عيب ياباشا

·       ما دام أسمك هلال كان مفروض تربى دقنك ومادام أبوك صابر كان لازم زبيبة الصلا تبقى فى قورتك

·       هو يا باشا لازم نربى دقننا اليومين دول

·       أه ما دمت مسلم وإسمك هلال لازم تربى دقنك علشان تبان إنك راجل وطنى بتشجع حكم مرسى وإخوانه

·       الظاهر يا باشا فيه سوء تفاهم أنا إسمى هلال ومصرى ومش لازم علشان إسمى هلال أبقى مسلم يعنى

·       يعنى أيه الكلام ده بتتنكر لدينك

·       أنا يا باشا راجل غلبان لا لى لا فى الطور ولا فى الطحين بس أنا مش عارف ليه سعادتك زعلان إنى مش مسلم

·       وبتنكر دينك قدامى مرة تانية كمان

·       يا باشا إنت سألتنى عن إسمى وقلت لك أنا هلال صابر ومسألتنيش على دينى والكلام جاب بعضه وقلت لك أنا مش مسلم

·       أمال إنت أيه فى يومك الإسود ده

·       ليه يا باشا هو أنا عملت لك حاجة

·       إنت فورت دمى دلوقتى هو إنت دينك أيه؟

·       أنا قبطى مسيحى

·       أنا كنت شاكك فيك ماشى جنب الحيط وهدومك نضيفة وحالق دقنك ومفيش زبيبة فى وشك ما هو قلب المؤمن دليله

·       ربنا يقوى إيمانك

·       أنا بقى حا أوريك إيمانى قد أيه أنا حا أكسب فيك ثواب

·       كتر خيرك

·       شايف أنا فى أيدى أيه

·       دى قزازة مليانه ومطوة

·       عارف مليانه أيه

·       لا

·       ده بنزين

·       يعنى حا تدينى لتر البنزين ده أحطه فى الموتوسيكل بتاعى كتر خيرك

·       لا يا كافر المطوة دى حا أغزها فى بطنك كده

·       أأأأأأأأأأأه

·       والبنزين ده حا أدلقه عليك

·       أه أه إلحقونى ياناس

·       وعود الكبريت الوالع ده هدية منى علشان تروح النار وأنا أبقى كسبت ثواب بحرقك ياكافر

·       إلحقونى يا ناس أنا إسمى هلال وعمرى ما أزيت حد إلحقونى يا ناس أنا طول عمرى صابر على العيش والعيشة إلحقونى يا ناس النار بتاكل فى بدنى

وراح هلال صابر مقتولا مطعونا ومحروقا لأنه طلع هلاله قبطى وطلع صبره نصرانى كافر فى نظر الباشا السلفى وراح هلال وراح غيره ومحدش بيتحاسب وضميرنا مات وقانونا إندفن وبكرة يعملوا قعدة صلح ويقولوا لمرات هلال مكانش قصدنا نقتله وعفا الله عما سلف ويقولوا لولاد هلال عيشوا أيتام وإوعوا تدوروا على حق أبوكم ده إحنا حكام البلد وإنتوا أغراب لغاية ما تصرفوا نفسكم وترحلوا عن مصر وحا يندفن هلال وتندفن قضيته ويموت بعد هلال كل نور جاى من القمر ونعيش نفس المأساة ناس بتقتل ناس وهى فاكره إنها بتعبد ربنا بقتل البشر ودماء طاهرة تسيل على أرضك يا مصر وحاكمك نايم فى الإتحادية ضميره مرتاح ما دام شايف الكاتدرائية بتنحرق وعارف إن نائبه العام حا يقبض على شوية مسلمين وزيهم أقباط ويتقايضوا ببعض ويخرج الجانى علشان يدور على هلال صابر يطعنه ويحرقه بجاز بدون عقاب أو حساب ما دمنا فى زمن إنقلب الحق باطل والقتل بإسم الدين عينى عينك والشر بيسرح فى بلدنا والقبطى بقى غريب ناقص حقوقه معدوم الصوت يوم ما يصرخ يكتموا نفسه يوم ما يعترض ينسحق بالمدرعات يوم ما يغلط يتقتل أهله وجيرانه ومعادش فيه قانون فيه جاز وكبريت يحرقوا بيه الأقباط مع إننا ليل ونهار بنقول بارك بلادى ومبارك شعب مصر وبنحلم ليل ونهار إن أحمد ومينا يبقوا زى بعض ولكن النفوس بقت فظيعه تحرق هلال وهى بتهلل تمام زى الزرقاوى ما كان بيعمل وهو بيجز أعناق البشر .... فوقوا يا مصريين هلال إندبح ومين عارف الدور على مين فكلنا حا نبقى هلال حتى لو كنت صابر

إرسل الموضوع لأصدقائك على الفيس بوك و تويتر


تصفح أيضاً من أرشيف المقالات

نعم للدستور...وأكثر!
يارب.....مالينا سواك
قناة السويس محطات بتاريخ مصر (5-7)
ملاهي العالم
إنزعـوا الحجاب فهو حارسٌ كذاب

شاهد أيضاً من أرشيف الفيديو

تحطيم أمال الإخوان فى إفشال الاستفتاء على الدستور وإرهاب المصريين
دلالات المشاركة الفلسطينية في جنازة بيريز
الاخوان اخترقوا كل الملفات الامنية طوال عام حكم مرسي
سألوا الشباب «ليه بتعاكس البنات فى الشارع».. وكانت الردود كارثية
تفاصيل قرار الرئيس السيسي بإنشاء كنيسة للطائفة الإنجيلية في أسيوط

قائمة العار للدول التي تضطهد الأقليات- أغلبها دول اسلامية وبعضها يدعم الارهاب

كوريا الشمالية
السعودية
العراق
ارتريا
افغانستان
باكستان
الصومال
السودان
إيران
ليبيا
اليمن
شمال ووسط نيجيريا
اوزباكستان
قطر
مصر
الأراضي الفلسطينية
بروناي
ماليزيا
أزربيجان
بنجلاديش
الجزائر
الكويت
اندونيسيا
تركيا
البحرين
عمان