الأخبار القبطية - بالكلمة ننتصر

الاستعباط الرسمي

الدكتور ماهر حبيب - 6 أبريل 2016 - 28 برمهات 1732

الاستعباط الرسمي بقى حاجة فوق الوصف فوق الاحتمال والحكومة بقت بتمارس كوميديا هابطة وهزلية وما تبتضحكش حد عليها غير أعداء الأمس وشركاء المستقبل من إخوان وارهابيين .

و الحكومة خفيفة الظل والعقل بتعمل العملة بغشامة وغرابة وتمارس أسوء أنواع الجباية ولما تطلع واسعة والناس تلطم على وشها تروح طالعة نافية ومكذبه الناس اللى شايفة كذب الحكومة على ايدها فمثلا فواتير الكهرباء والمياه غليت وزادت زيادة تفوق الأسعار العالمية مع الوضع فى الاعتبار طبعا ان مكافآت البهوات عندنا عالية قوى قوى قوى يا بووى  وده اللى بيغلى منتجنا عن بلاد الدولار الأخضر وبعدين يطلع المتحدث أو النافى الرسمى بتاع كل وزارة يكدب كدبة كده زى كدبة روجينى والميكروباس والناس تبقى شايفة بأم عينها الفواتير النار والبيه بيقول لك مفيش زيادة والغلطات دى غلط فى قراية العداد و حنصلحها وهو عارف و متأكد ان الغلط عنده ومتعمد ولو عدى أهو ضمن هو وقلاديشه مكافآت وحبشتكات

ونفس الشيئ تذاكر الوجه القبلى اللى زادت الضعف بعد ما لبسوا الكومسارى بدلة جديدة ويقول لك ده قطر VIP مع أنه نفس القطر بسلاطاته وبابا غنوجه

ويمتد العبط الرسمى بمطالبتنا بأننا احنا كمان عاوزين نعرف أخبار المصرى اللى كان ف أوربا واختفى علشان تبقى واحدة بواحدة مع أن مصر لا بيهمها ولا عايزة تعرف المصرى ده غار فى أنهى داهية إلا إذا كانوا عارفين ومتأكدين أن المصرى ده أما بيحارب فى سوريا أو ليبيا أو موجود فى سجن العقرب وأهله ما يعرفوش عنه حاجة واهو نعمل لأوروبا اشتغاله ونقول لما تلاقوا المصرى حا تشوفوا حملة ودنكم وساعتها حا نقول لكم اسم القاتل بتاع روجينى يوم 30 فبراير الساعة 25 ونص

بطلوا استعباط الناس مرارتها اتفقعت

إرسل الموضوع لأصدقائك على الفيس بوك و تويتر


تصفح أيضاً من أرشيف المقالات

كلام ..له معنى
الرئيس السيسى ليس حرا لمنح حزب النور قبلة حياة
في ظـلام الحيـاة
جمعة الفصح الحقيقي 2- باراباس حراً
علموهم حب الوطن

شاهد أيضاً من أرشيف الفيديو

سيد على ": لـ الداخلية " انتوا اللي بتشوهوا نفسكم
السعودية وإيران، هل بدأت الحرب النفطية؟
وزير التعليم يكشف خطته لتصحيح منظومة امتحانات الثانوية
في ذكراها الثالثة، ثورة 30 يونيو صفعة على وجه الإخوان الارهابية
داعش يعتمد على السرقة لتوفير إحتياجاته وما كان ثميناً يأخذه القادة

قائمة العار للدول التي تضطهد الأقليات- أغلبها دول اسلامية وبعضها يدعم الارهاب

كوريا الشمالية
السعودية
العراق
ارتريا
افغانستان
باكستان
الصومال
السودان
إيران
ليبيا
اليمن
شمال ووسط نيجيريا
اوزباكستان
قطر
مصر
الأراضي الفلسطينية
بروناي
ماليزيا
أزربيجان
بنجلاديش
الجزائر
الكويت
اندونيسيا
تركيا
البحرين
عمان