الأخبار القبطية - بالكلمة ننتصر

عمرو بيه

الدكتور ماهر حبيب - 18 ديسمبر 2013

عمرو بيه  : أيييه خلصنا الدستور

الدكتور    : يا عمرو بيه أيه إللى إنته عملتوا ده مش هو ده إللى إتفقنا عليه

عمرو بيه  : أيه يا دكتور خلى قلبك جامد ده إنت أستاذ فى التوليد أنا لما لقيت الولادة متعثرة رحت لاعب لعبتى الكبرى

الدكتور   : أيوه يا عمرو بيه بس كده إنت ضحكت علينا ولعبت ف الديباجة ومشيت كلام البرهامى

عمرو بيه  : بص يا دكتور إنت عارف إن السلفيين منشفين دماغهم وعاوزين المادة 219 ورافضين مدنية الدولة وكانوا حا ينسحبوا ودول غشما ممكن ينضموا للإخوان وإنت عارف أنصارهم الجهلة إللى مالين الريف والصعيد فأنا قلت أخدهم على قد عقلهم وأمشى كلامهم

الدكتور    :  بس إنت زعلت الأقباط كلهم وحا تخليهم يزمزقوا وممكن يعملوا لنا دوشة

عمرو بيه  : ما تخافش من الأقباط دول طيبين ووطنيين لدرجة الهبل وممكن أى كلمتين كويسين تطيب خاطرهم

الدكتور    : على رأيك دول بياخدوا كل ضربة وضربة وبعد ما يفوقوا من الصدمة بينسوا كل حاجة ويرجعوا يشتغلوا بكل همة ووطنيتهم ما بتتغيرش أبدا

عمرو بيه   : الأقباط دول ظاهرة كونية غريبة لازم تتدرس فى الكتب وأنا فاهمهم كويس قوي وعرفت ألاعبهم وإستغليت الوقت للضغط عليهم فلما لقوا الدنيا حا تتطربق راحوا مستسلمين علشان المركب تمشى وأنا إستغليت الفرصة علشان أراضى السلفيين وأأممن شرهم

الدكتور  : فكرك حا تعدى على خير

عمرو بيه  : جمد قلبك يا دكتور الأقباط معانا مهما عملنا فيهم والسلفيين حطيتهم فى جيبى الصغير وحاينزلوا يقولوا نعم للدستور والإخوان أغبياء ومش حا ينزلوا يستفتوا علشان ما يدوش شرعية للإستفتاء وبكده حا نضمن 90% من الأصوات ...جمد قلبك يا دكتور دا أنا الدفاس ...صبر البضاعة فى الملاحات ولما تهدى الدنيا ننزل نجيب البضاعة والدنيا تمشى

الدكتور   : خلاص يا عمرو بيه نتقابل بعد الإستفتاء

ومرت الأيام وجه الإستفتاء وظهرت النتيجة والدكتور جه جرى يبشر عمرو بيه بالنتيجة

الدكتور : إلحق يا عمرو بيه

عمرو بيه  : أيه يا دكتور جيبنا 80% والا أيه

الدكتور    : مصيبة يا عمرو بيه

عمرو بيه  : جبنا 60%

الدكتور: الإخوان نزلوا

عمرو بيه : وأيه المشكلة دول أقلية

الدكتور :فعلا يا عمرو بيه عددهم حوالى مليون

عمرو بيه  : وأيه المشكلة

الدكتور    : المصيبة إن الأقباط نزلوا

عمرو بيه  : طب وأيه

الدكتور    : يا عمرو بيه إنت كنت مالى أيدك من الأقباط وأديهم نزلوا بس المصيبة إنهم إبطلوا صوتهم غيظا من إللى إنت عملتوا فيهم

عمرو بيه   : صحيح يا نهار ابيض ده مفاجأة مش متوقعة ....ما تقلقش ما تقلقش ما تقلقش

الدكتور      : يا عمرو بيه أنا شايفك قلقان قوى

عمرو بيه    : أه بس أنا ما كنتش عامل حسابى على كده دى أول مرة الأقباط يقولوا لا

الدكتور      : لا يا عمرو بيه دول قالوا أأأأأأأأأأأأأأأأه من الألم

عمرو بيه    : مش مشكلة أنا مطمئن إن السلفيين حا يعوضوا المصيبة دى

الدكتور      : ما هى دى المصيبة يا عمرو بيه

عمرو بيه    : إيه السلفيين قالوا لا بعد كل إللى عملناه معاهم

الدكتور      : لا يا عمرو بيه دول ما راحوش الإستفتاء أصلا

عمرو بيه   : طب وحزب الكنبة راح فين هما مش كانوا نزلوا فى 30 يونيو وملوا الشوارع والميادين

الدكتور     : يا عمرو بيه الدنيا كانت برد وكان فيه ماتش كورة لبرشلونة وكان فيه حفلة ملكة جمال العالم على إل بى سى فماراحوش الإستفتاء

عمرو بيه   : طب والإستفتاء

الدكتور    :   بومبة

عمرو بيه  : والأقباط

الدكتور    : بومبتين

عمرو بيه  :والسلفيين

الدكتور    : كيس بومب

عمرو بيه  : إلحقنى يا دكتور

الدكتور    : بلا دكتور بلا غيره بقى

عمرو بيه  : حسرة عليها يا حسرة عليه الملاحة الملاحة ودستورى ملو الطراحة وأنا أيه ذنبى وأنا أيه ذنبى حدفتنى بالدستور المدني ...حسرة عليها يا حسرة عليها 

إرسل الموضوع لأصدقائك على الفيس بوك و تويتر


تصفح أيضاً من أرشيف المقالات

ماذا يريدون من الاقباط؟!
لندنستان وإشكالية وكر الإخوان
ظاهرة إستشعار الحرج .. قراءة صادقة فى أوراق ثورة الشباب الشعبية التلقائية (103)
تهنئة قلبية بعيد الأضحى المبارك
للانقلاب 7 فوائد

شاهد أيضاً من أرشيف الفيديو

غضب أولياء الامور بعد تسريب إمتحان اللغة العربية
تحليل خاص لمظاهرات 25 إبريل
لحن كى إيبيرتو
لندن 7/7.. عشر سنوات والإرهاب "يتمدد"
جاد:قتل المصريين الأقباط في ليبيا هدفه إعجاز الدولة

قائمة العار للدول التي تضطهد الأقليات- أغلبها دول اسلامية وبعضها يدعم الارهاب

كوريا الشمالية
السعودية
العراق
ارتريا
افغانستان
باكستان
الصومال
السودان
إيران
ليبيا
اليمن
شمال ووسط نيجيريا
اوزباكستان
قطر
مصر
الأراضي الفلسطينية
بروناي
ماليزيا
أزربيجان
بنجلاديش
الجزائر
الكويت
اندونيسيا
تركيا
البحرين
عمان