الأخبار القبطية - بالكلمة ننتصر

اللهو الخفى

الدكتور ماهر حبيب - 5 ديسمبر 2013

بعد ما سمعت حلقة الصندوق الأسود بين الأستاذ/ عبد الرحيم على ومنصور العيسوى وزير الداخلية أيام الفاشل عصام شرف إندهشت للحظات ثم ذهب الإندهاش وعدت إلى مرحلة ولا إندهاش فقد وجدت إنه  جابوا إللى ما يعرفش علشان يمشّى إللى بيعرف علشان العٌمى إللى ماشين فى الطريق إللى ما يعرفهوش يوديهم لسكة ما كانتش ع البال وتكون النتيجة تخلى الخاين أمين الصندوق والحارس يقشر بصل وفى الأخر سرقوا الصندوق يا مصرى لكن مفتاحه فى أمن الدولة .....حد فاهم حاجة

معنى كده إن إختيار الفاشل شرف كان مقصودا وإختيار وزير داخلية فاشل مقصود وإن الوزير ييجى يخربها ويمشى وكل واحد خايب ييجى يخرب البلد من ناحية فوزير الداخلية  يكره أمن الدولة كره العمى فيتم تفكيك الجهاز إللى بيحمى مصر من الإرهاب فلما يخرج أخو الظواهرى ما تكونش هناك فلفصه ولما الناس تولع فى أمن الدولة يبقى المصرى المغشوش مسخسخ على روحه من الضحك لدرجة إنه واقع على ضهره والدموع بتسح من عينه من كتر الضحك مع إن العاقل بيقول للمضحوك عليه بتضحك على أيه يا غشيم.

لما ييجى يوم ونلاقى الناس بتولع فى بعضها فى ملعب بورسعيد وتفشل بعدها الرياضة وإحنا مش عارفين إحنا رايحين فين ولا جايين منين ونمشى مشاوير مكتوبة لخطاوينا ومحدش بيسأل ليه لأن الجواب من غير ليه ...ولما نلاقى نفسنا بندخل فى حدوتة إمبابة والماريناب وأحداث ماسبيرو من غير ما نعرف ليه بيحصل ده ولما نلاقى نفسنا لابسين تعديلات البشرى ونروح نلاقى نفسنا غرقانين فى إستفتاء الجنة والنار وبرضه بنفتكر إن المواضيع دى متنتوره وليست أحداث مترابطة من هنا وهنا.

ولغاية النهارده بنلاقى حاجات بتحصل بتودى البلد فى ستين داهية وبنبص لها على إنها حوادث عارضة أو متفرقة فمثلا تم تسخين بتوع الأزهر لغاية ما وقع قتيل جوه الأزهر ومحدش عارف ليه إتقتل ومين إللى قتله لأنى لا أعتقد أن الداخلية من الغباء بأن تلبس قضية قتل طالب حتى لو كان الطلبة إللى خاربين الدنيا يستاهلوا الإعدام بضرب الجزم لكن الحكاية بالسيناريو ده حا يزيد البله طين يقوم أيه نلاقى السيناريو يتكرر بنفس الهطل الأمنى فى جامعة القاهرة ولو بفرض إن الشرطة قتلت طالب الأزهر وشايفه قد أيه حجم المصيبة قوم أيه تكرر الحادثة والدنيا والعه فى جامعة القاهرة فنبقى إحنا قدام أغبى جهاز شرطة فى الكون منذ أدم لأخر الدهور ولا أعتقد إن السيناريو ده صحيح بل هو بقية السلسلة من أول عصام شرف لغاية جامعة القاهرة فهى سلسلة من حلقات الفشل المقصود والفاعل معروف وكلنا عارفينه ومتأكدين منه مليون المية إن الفاعل هو ......اللهو الخفى

إرسل الموضوع لأصدقائك على الفيس بوك و تويتر


تصفح أيضاً من أرشيف المقالات

الوِحْدَةُ المَسِيحِيَّةُ في لِقَاءِ بَابَا رُومَا وبَابَا الأسْكَنْدَرِيّة
الغائب المتسبب لأزمات أمناء الشرطة والتوك توك
فى كل رمانه حبّة من الجنّة
الإرهاب يلبي حاجة أسياده بمحاولة التفجيرات
البعض يعمل فى الحياة مجاهدا

شاهد أيضاً من أرشيف الفيديو

أوجه التشابه بين قطر وجماعة الإخوان
الشرق الأوسط والمشهد في سوريا بعد الاتفاق على وقف إطلاق النار
استراتيجية محاربة الإرهاب فى مصر وماذا سيحدث في يوم 19 مارس 2014
وثائق بنما تكشف عن سطوة الفساد حول العالم
ارهابي مسلم يحتجز رهائن في مقهى بسيدني استراليا

قائمة العار للدول التي تضطهد الأقليات- أغلبها دول اسلامية وبعضها يدعم الارهاب

كوريا الشمالية
السعودية
العراق
ارتريا
افغانستان
باكستان
الصومال
السودان
إيران
ليبيا
اليمن
شمال ووسط نيجيريا
اوزباكستان
قطر
مصر
الأراضي الفلسطينية
بروناي
ماليزيا
أزربيجان
بنجلاديش
الجزائر
الكويت
اندونيسيا
تركيا
البحرين
عمان