الأخبار القبطية - بالكلمة ننتصر

كوتيمى

الدكتور ماهر حبيب - 14 يناير 2016 - 5 طوبة 1732

ربنا أمر بالستر على عبيده وعلى برلمانا اللى مطلوب منه أنه يكون موجود بس مستور خلف حجاب ما البلد كلها لابسه حجاب اشمعنى يعنى البرلمان حا يبقى برلمان سافر يتعلق من شعره يوم الحساب.

وستر البرلمان يكون بمنع الفرجة عليه مع أنه مسلى جدا ومصدر فكاهى اكتر من مدرسة المشاغبين فتوفيق كلامه عسل وسكر و سيادة المستشار حا يراعى حكوك الإنسان اما عجينة فحا يخلى باله من جزم السيدات وكل واحدة لابسة فستان مش على مقاس سيادته حا يعمل لها إستجواب و يشوف البوت بتاعها دستورى والا لا ومناسب لللايحة والا واسع شوية.

طبعا كلنا لازم ندارى على برلماننا من الحسد وهو موجود فى مقره كافى خيره شره وموجود سد خانة فى عين اللى شافه وما قالش لأوباما عندنا برلمان ...كويس وحش فاهم أو مش فاهم أهو حاجة نستعملها وقت اللزوم بالظبط زى طفاية الحريق المضروبة فى عربيتك لا هى تنفع تطفى حريقة وما ينفعش ترخص عربيتك من غيرها

لازم كلنا نبارك للبرلمان اللى مضطر يوافق على 350 قانون فى خلال 15 يوم عدى منهم 3 يعنى 30 قانون يوميا يعنى 4 قوانين فى الساعة يعنى القانون ياخد 15 دقيقة بدون توقف يعنى إكسبريس قوانين تفوق سرعة سيد قراره بمراحل وده الفرق بين مصر قبل الوكسة وبعدها والبرطمان ده حا يخوش موسوعة جينيس ريكورد بأعتباره شغال موافقة أسرع من الصوت .....سقفوا له سقفوا له على رأى حكيم المغنواتى وكمان هنوه على منع إذاعة جلساته علشان يبقى سوكيتى والقوانين بتاعته تطلع كوتيمى كوتيمى كوتيمى

إرسل الموضوع لأصدقائك على الفيس بوك و تويتر


تصفح أيضاً من أرشيف المقالات

عودة الفريق أحمد شفيق الي القاهرة
هل ستصبح مصر السيسى ام الدنيا ؟؟ ام ام الاخرة ؟؟
الأيمان والحرية
فى ذكرى 11 سبتمبر
هل التاريخ حمار ؟؟ يكرر نفسه ؟؟؟؟

شاهد أيضاً من أرشيف الفيديو

خطر داعش يهدد بإفراغ العراق من المسيحيين
متشددين أتلفوا الأراضي الزراعية لأقباط الجلاء
تفاصيل زيارة شيخ الازهر الى الفاتيكان
تفاصيل زيارة قداسة البابا تواضروس لدير الأنبا أنطونيوس بالبحر الأحمر
وزير الخارجية الليبي يحذر من اتخاذ داعش لليبيا ملجأ لها

قائمة العار للدول التي تضطهد الأقليات- أغلبها دول اسلامية وبعضها يدعم الارهاب

كوريا الشمالية
السعودية
العراق
ارتريا
افغانستان
باكستان
الصومال
السودان
إيران
ليبيا
اليمن
شمال ووسط نيجيريا
اوزباكستان
قطر
مصر
الأراضي الفلسطينية
بروناي
ماليزيا
أزربيجان
بنجلاديش
الجزائر
الكويت
اندونيسيا
تركيا
البحرين
عمان