زمان كنت بفك...قرش الصاغ...اتنين تعريفه
وافك التعريفه...بخمسه مليم...حاجه ظريفه
كانت ايام خير...حلوه وبسيطه
الناس راضيه بحالها...عندها كبرياء...وعفيفه
بيشتغلوا ويكسبوا...م الاعمال الشريفه
واصحاب المهن الحره...شطار وحريفه
يعاملوك بادب وذوق...يخاطبوك بعبارات لطيفه
لا توك توك ولا مشروع...كلها مواصلات خفيفه
ناس عندها عزم...قويه مش ضعيفه
مش زي دلوقتي...حياه صعبه عنيفه
ياريت ترجع تاني...ايام القرش والتعريفه